Асосий мавзулар
28 май 2024

Тиланчи раис, ёрилган қувур ва ҳайдовчиларга ҳалақит бераётган светофор -ЭП151

Салом қадрли муҳлислар, Элтуз порталига йўлланган cўнгги 5 та мактуб Ўзбекистоннинг Наманган, Қашқадарё, Навоий ва Андижон вилоятларидан келган. Хатлар оқими айни сонияларда ҳам давом этмоқда. муаммолар ечимини таъминлаш, шунингдек каналимизнинг алоҳида саҳифасига кириб приватга ўтказилган ёпиқ видеоларни  кўриш учун Элтуз каналига обуна бўлиш, лайк босиш, канални қўллаб қувватлаш тавсия қилинади ва биз хатларни ўқишда давом этамиз.

Дастлабки мурожаат Намангандан. Маҳалла раиси тиланчилик қилмоқда.

«Ассалому алайкум, Элтуз журналистлари, биз Наманган вилояти Чортоқ тумани Ифтихор МФЙ фуқаролари сизларга мурожаат ёзяпмиз.

Ифтихор МФЙ раиси Аббасов Баҳодир қачонгача  маҳалладан садақа тиланиб юради? Қайси норматив ҳужжатларда трансформатор олиб келиб ўрнатишга фуқаролардан пул йиғиш белгиланган?

Маҳаллага миллиард пул ажратилди дейилади, лекин халқ сезмайди.

Олдин ҳам шу раиснинг маҳалласини асфалт қилишганди, бу йил яна шу маҳаллага давлат томонидан ажратилган пулга асфалт қилдириш ҳаракатида юрибди, ваҳоланки МФЙ да лой кўчалар жуда кўп.

Фуқаролар бирор масала билан мурожаат қилса, бу мани ишим эмас деб қўполлик қилиб ҳайдаб солади, бир неча йилдирки маҳаллада бирон ўзгариш йўқ.

Яна мақтаниб русийзабон Фаррух Зокиров яқиним, қўлимдан ҳамма иш келади, ўғлим, келиним журналист деб МФЙ телеграм каналига видео расмларини ташлаб ўзини кўз кўз қилиш билан оввора.

Бу одамнинг раис бўлишиям жуда кутилмаган ҳолат булган.

Туман ҳокимлигидаги танишидан фойдаланиб, олдинги раис ёш шижоатли бола эди шунинг тагига сув қуйди,

Биз Маҳаллада шаффоф сайлов бўлишини ва солиқлардан ташқари йиғди йиғдиларини тўхталишини талаб қиламиз.» дея ёзади наманганлик фуқаро.

Кейинги мурожаат Қашқадарёнинг Деҳқонобод туманидан. Ёзда чанг, қишда лой. Кўча шағал ёки асфалт қилиб берилмаяпти.

“Қашқадарё вилояти Деҳқонобод тумани Қорашина шаҳарчаси Бўстон МФЙдан мурожаат йўллаяпмиз. Анча йиллардан буён кўчамиз шундай ахволда: ёзда чанг, қишда лой. Айниқса, ёмғир ёққанда сув ариқ бўлиб оқади. Туман ҳокими, прокурор ва ИИБ бошлиғи келиб, ҳолатни кўриб кетган, лекин кўчамиз шағал ёки асфалт қилиб берилмаяпти. Амалий ёрдам беришларини сўраймиз”. дея шикоят қилмоқда Деҳқонободнинг Қорашина шаҳарчаси фуқаролари.

Кейинги мурожаат эса Қашқадарёнинг Яккабоғ туманидан.

«Яккабоғ туманида жойлашган деҳқон бозорини, унинг ёнида жойлашган кийим кечак бозорини ва кўчаларда бўлаётган савдоларни йиғиштирдиган масъуллар борми?

Жудаям тартибсиз бўлиб кетган. Илтимос ёрдам беринг» дея ёзмоқда бозордан безор бўлган яккабоғлик.

Навбатдаги шикоят эса Навоий шаҳридан. Иссиқ сув подвалга оқмоқда.

«Ассалому алайкум мен Навоий шаҳар Ломоносов кўчаси 9-уй  1-хонадонда яшайман. Подвалимиздаги иссиқ сув катта трубаси мунтазам  тешилиб, подвални сув босиб кетаяпди. Бунинг натижасида захланиб уйимизнинг обойлари кўтарилаяпти. Захланиш натижасида ҳар хил пашшалар кўпаяди, касаллик тарқайди. Бунинг охири борми?

Ширкат сантехникларига айтсак, Оеснинг трубаси бу дейди. Оесдан чақиртирсак 2-3 та ишчиси келиб, номига кўриниб, сувни ёпмасдан кетган. Қайта оесга мурожаат қилганимизда сваркачи йўқ, хамут қўйилган, энди душанба куни тахлайдилар, деб бепарволик билан жавоб қилди (диспетчер ўзини Жумаев Шерзод деб таништирди).

3 Кунда бу иссиқ сув оқиб турса нима бўлишини энди тасаввур қилаверинг. Сувни тежанг тежанг дейдилар, мана сув кераксиз одамларга зиён келтирадиган ҳолатда қаерларга оқиб ётибди.

Илтимос шу масалада ижобий ҳал қилиб беришингизни соʻрайман.» дея ёзади шикоят қилмоқда навоийлик квартира эгаси.

Ва ниҳоят сўнгги мурожаат Андижондан. Автотураргоҳга киришга светофор халақит бермоқда.

ЭП: «Андижон  вилояти  Избоскан туманидан  мурожаат қилинмоқда. 

Андижон вилояти  Избоскан  тумани   Пойтуғ  шаҳридаги  Собиқ механика  заводи  ўрнига   қурилган  автотураргоҳ қонун  талабига  қай  даражада  жавоб  беради? 

Шуни  қайтадан  кўриб  чиқиш  керак  деб биламан. Сабаби шуки, ушбу автотураргоҳнинг дарвозаси Светофор яқинига жойлашиб қолган. Бу эса ҳайдовчиларнинг  автотураргоҳга кириб чиқишига ноқулайлик   туғдиради.

Дарвозани ва автотураргоҳга кириш учун  йўлакни светофордан узоқроққа жойлаштиришнинг  иложиси бор. Сал узоқроққа жойлаштириш керак деб  биламан.

 Автотураргоҳнинг дарвозаси бир дона  холос. Автотураргоҳ жуда катта. Қўшимча дарвоза  очиш керак деб биламан. Бунинг учун  автотураргоҳ атрофидаги Адвокатуранинг ишхонасини  бошқа жойга кўчириш ва ўрнига автотураргоҳга  кириш учун йўл очиш керак деб биламан.  Пойтуғ  шаҳримизда  деярли  барча  йўллар  автотураргоҳ  вазифасини  ўтаб  келмоқда. «

Ва бу сизга етказганимиз бугунги сўнгги мактуб эди. Эслатамиз, элтуз портали телеграмдаги алоҳида саҳифадир. У ерга хатлар учун махсус бот ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам чоп қилишга интилади. Каналимизга обуна бўлинг. Агар кўрсатувимизни қўллаб қувватламоқчи, ёки айрим ёпиқ видеоларни кўрмоқчи бўлсангиз супер рахмат тугмачасини босинг.  Соғ бўлинг.

Тағин ўқинг
9 июн 2023
РТ: Азиз оға ини, опа сингил қадрдонларим. Мана ҳафта айланиб сиз билан биргаман. Сизларнинг юзингизга қараб табассум қилиш имконига ...
29 август 2023
Пойтахтнинг кўпқаватли уйларидан бирида қўшнисиникида бўлаётган миллий тўй урф одатларига нафрати жўш урган аёл акс этган видео Элтузга етиб ...
28 июн 2016
Бу ҳақда баёнот тарқатган «Эзгулик» жамиятининг билдиришича, жазо муддати узайтирилган Ғанихон Маматхонов ҳозирда ҳуқуқ фаоли Каттақўрғондаги 7-сонли тергов изоляторида ...
7 октябр 2020
Комил Аллламжонов томонидан асос солинган, ҳайдовчиларни ўқитишга ихтисослашган Avtotest Report компанияси 2017 йилда ҳукумат қарори билан тўла монополия ҳуқуқини ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...