Cатира
12 июн 2024

Ўзбекка «смотрящий» керакми?

Ўзбек жамиятида ўғрипарварлик кайфияти бор. Масалан, “ҳақиқий ўғри мард бўлади” жумласида икки бир-бирига зид тушунча “ўғри” ва “мардлик” бир қаторда туриши – аянчли ҳолат. Жума куни масжидга кириб чиқиб, кейин машинасида “воровской кўча” қўшиқларни эшитиб юргич ёшлар китоб тутган олимларни эмас, ўғриларни ва  кўча болаларини ўзига кумир қилади.

Элтуз ўтказган сўровномада 14 фоиз жавоб берганлар ўғриларсиз яшолмаймиз, кўчада смотрящий бўлиши шарт, деган. Хўш, бу нимадан далолат?

Биринчидан, «Шайтанат» типидаги “кинолар” ўғри сиймосини идеаллаштириб кўрсатди. Собиқ Совет тузумида ҳам мард ўғрилар ҳақида афсоналар бўларди. Бошқа томондан ўғри қаршисида бош эгиш унинг зўравон қудрати ва ўғирлаган давлатига тан бериш билан баробар.

Реаллик эса мутлақо бошқа. Бир ўғри қўлга тушиб “ИИБдаги тоғаларим кўчага қараб юришни буюрди” деб сотса, бошқа ўғри қамоққа кириши билан изидан бир пайтлар “туриб бераман” деган акахонлари уни сотади.

“Биродарим учун охиригача туриб бераман” деган блогер-муллабачча эса 15 суткада биродарларидан тортиб, имому воизларнинг уруғу аймоғигача сотди.

Агар мамлакатда қонун устуворлиги таъминланганида бугун одамлар Бахти Ташкентскийни қаҳрамон деб билмасди. Халқ ҳақиқий ўғрилар очиқда юрганини яхши билади.

Сўровномага кўра ҳам 65 фоиз иштирокчининг жавоби айнан шундай – кўчаларга смотрящий керак эмас, ҳуқуқий давлат тузиш муҳим.

Яна бир масала – кўча болалари, ўғриларни ким идеаллаштиради?

Одамлар билан олди-берди муносабатларида муаммоси борлар, қимор, лирика ва бошқа иллатларга “иши тушадиганлар” бора-бора ўғрилар билан муносабатга киришади.

Бундай ғалвалардан узоқ юрадиганларга эса кўчада смотряший ўғри борми, йўқми – фарқ қилмайди.

Зотан 21 фоиз иштирокчилар умуман смотрящий ва ўғриларга иши тушмаганини айтган. Демак, аксарият юртдошларимизга ўғри ёки смотрящий билан дўстлашиш ёт тушунча.

Лекин мамлакатда мутлақ қонун устуворлиги таъминланмаса қолган 14 фоиз “смотрящий керак” деган фикр тоши қолганларни босиб кетади. Элтуз ўғрилар оламига оид янгиликларни ёритишда давом этади. Каналимизга обуна бўлинг, видеоларимизга лайк босинг.

Тағин ўқинг
24 феврал 2021
Исломда кўп чекловлар мавжуд бўлса-да, жинсий мавзу доим эътиборда. Хотин-қизларга сексуал объект сифатида қаралиши ислом динининг устунларидан бири, десак ...
15 ноябр 2015
Бу йил пахта тера олмадим, деб «хафа бўлиб» юргандим. Лекин кеча синфдошим Қадамбойнинг ғўзапоясини (поқолини) теришгани кўмакка (ёрдамга) борганимда ...
16 январ 2021
Таниқли шоира Гулчеҳра Нуруллаева узоқ хасталикдан сўнг 83 ёшида оламдан ўтди. 16 январь куни у Тошкентдаги Дўмбиробод қабристонига дафн ...
6 ноябр 2020
 Ойна – менинг энг яхши дўстим. Чунки йиғлаган пайтим у ҳеч қачон кулмайди. Мана, ҳафта бир айланди ва яна ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...