“Қани, ўқитувчилар – ғўза чопиғига марш!”

“Кўча тозалаш, пахта терими ёки ғўза чопиғига чиқариладиганлар ҳам эндиликда ўқитувчию дўхтирлар бўлиб қолди”, – дейди Eltuz.com нашрига бугун янги ҳажвий расмини йўллаган рассом Элсевар.

Қизиғи шундаки, мамлакатда ғўза қатор ораларига қўл меҳнати орқали ишлов бериш айни авжига чиққан шу кунларда газеталарда «ягана», «чопиқ» сўзларини ишлатмасликка ҳаракат қилинмоқда.

Бунинг ўрнига, «техника билан бир қаторда ғўзага кетмон билан ишлов берилмоқда», дейилади. Балки, бу ҳар доимгидек Халқаро ташкилотлар кўзини шамғалат қилиш учундир?

Аслида эса, бу тадбирларда «эртадан кечгача» деҳқончиликдан йироқ соҳа мутахассислари, ўқитувчи ва тиббиёт ходимлари, зиёлилар мажбурий меҳнатдан фойдаланилаётганини ёш бола ҳам билади.

Рассом Элсевар
Eltuz.com