Икки ойда икки соғлиқни сақлаш вазири алмашди

Икки ой аввал Соғлиқни сақлаш вазир бўлган Адҳам Икромов ишдан олиниб, ўрнига Олий мажлис қонунчилик палатаси қўмита раиси Алишер Шодмонов вазир бўлди.

Ўтган мажлисларда Мирзиёев Соғлиқни сақлаш тизимида ёппасига порахўрлик авж олгани, шифокорларнинг ишини ташлаб ҳорижга чиқиб кетаётганини танқид қилган эди.

Жумладан, президент туғуруқхона ҳамшираларини «энг катта порахўрлардир» дея атади.

Мирзиеев соғлиқни сақлаш тизимини жуда қисқа бир муддат ичида ислоҳ қилишни талаб қилди ва буни уддалай олмаган вазир Адхам Икромов ишдан бўшатилди.

Бироқ, ўнлаб йиллар давомида яралган тизим қисқа бир даврда ўзгариши даргумон.

Устига устак, Мирзиёев янги одамларни эмас, шу коррупцион системани яратган шахсларни ишга таклиф қилиш билан чекланмоқда.

Рассом Элсевар
Eltuz.com