Cатира
18 апрел 2017

Мирзиëев икки ҳафтада 16 мулозимни ишдан олди

Ўзбекистон президенти Шавкат Мирзиёев Самарқанд вилоятига борганида Булунғур ва Нуробод туманлари ҳокимлари, туман прокурорлари, туман давлат солиқ инспекцияси раҳбарлари ҳамда туман Ички ишлар бошқармаси бошлиқларини ишдан бўшатди.

Бундан олдин Мирзиëев Чилонзор тумани раҳбариятини жиддий танқид қилиб ва туман ҳокими ва милиция бошлиғи, прокурор ва солиқ каттасини ҳам ишдан олган эди.

Ўтган ҳафта Юнусобод тумани ИИБ прокуратура, солиқ раҳбарларига қўшиб, ҳоким Мираъзам Мирқосимовни ҳам ишдан қувган эди.

Элтузга маълум бўлишича, Мираъзам Мирқосимов ишдан олинганидан икки кун ўтиб юрак ҳуружидан вафот қилган.

Мирзиёев, келгуси икки йил давомида мулозимлар суткасига 24 соат ишлаши, унинг рухсатисиз ҳеч ким уйига кетмаслигини амр қилди. Давлат мансабдорлари ишини назорат қилиш учун вилоятларда қандайдир “махсус бўлимлар” ташкил этилган.

«Сиз ўйладингизми, нима учун бу йилни “Халқ билан мулоқот йили” деб атадик? Ҳаммаси илгаригидек бўлади, деб ўйлаганмидингиз? Йўқ, – энди илгаригидек бўлмайди. Ё сиз охир оқибат ишлай бошлайсиз, ёки ўз ўрнингизни бўшатасиз. Ҳаммангиз ифлосликка, корупцияга ботгансиз! Бахтингизга, ҳозирча етарли миқдорда кадрлар йўқ: Бу бизнинг энг катта касофатимиз. Бироқ икки йил ичида биз кадрлар тайёрлаймиз. Янги, ёш одамлар келади”, деди президент.

Мулозимлар таркибини алмаштиришга етарли кадрлар бўлмаса, уларни қандай жазолаши, айбдорларни қандай ишдан бўшатишига президент аниқлик киритмади.

Рассом Туз ҳокимларни мойчечак гулбаргларини юлган каби ҳокимларни курсисидан мосуво қилган президент расмини чизди.

Рассом Туз
Eltuz.com

Тағин ўқинг
25 сентябр 2015
– Дунёда икки юздан ошиқ давлат бор, деярли барчасида тинчлик, саноқли давлатлардагина маълум сабабларга кўра нотинчлик холос. Юртимиз юз ...
24 май 2016
Ўқув машғулотларидан эндигина қутилган, бироқ чопиқ деган даҳмазага тутилган фарғоналик муаллималарни, тағин яқиндагина Универсиада спорт тадбирлари ўтган майдонларни тозалашга ...
31 март 2018
Олий Мажлис Сенати 29 март куни “Ўзбекистон Республикаси Давлат хавфсизлик хизмати (ДХХ) тўғрисида”ги қонунни тасдиқлади. Мазкур қонунга кўра, ДХХга ...
10 октябр 2017
10 октябр куни Андижонда пахта кампанияси боис, шаҳар қатновидаги “Дамас”ларнинг кира ҳақи 2000 сўмга чиқди, дея хабар беради “Элтуз” ...
Блоглар
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...
15 май 2019
Бир пайтлар, Ўзбекистон Республикаси Президенти ҳузуридаги Давлат бошқаруви академиясига ўқишга кираётганимда, ҳозирги пайтда Фейсбукда ҳам ...