Cатира
23 июн 2017

Тошкентда турк банкаси очилади

Шу ойда Турк давлат банки Ziraat bankasi Тошкентда ўз филиалини очиши кутилмоқда. Бу ҳақда 20 июн куни Ўзбекистон Бош вазири Абдулла Арипов Савдо саноат палатаси қурултойида билдирди.

Бироқ мамлакатда сармоялар ҳимояси йўқлиги боис, Ўзбекистонда ҳорижий бизнес истиқболи қандай бўлиши мумкин?

Масалан, 2012 йили Ўзбекистон кучишлатар тизимлари турк бизнесменларини овлай бошлади. Уларни қамашди, бизнесларини тортиб олишди, тавон тўлашга рози бўлмагунларига қадар қийнашди.

Тошкент савдо маркази “Туркуаз”нинг собиқ эгаси Воҳид Гунеш иши бунга мисол. Уни иқтисодий жиноятлар, солиқ тўламаганлик ва тақиқланган исломий ҳаракатга алоқадорликда (бу айбловларни у инкор этади) айбланди.

Бизнесмен „Ҳалқаро Амнистия“ ташкилотига берган интервьюсида, 2012 йили уни 10 ой давомида махфий қамоқхоналардан бирида сақлашгани, бу ерда уни ёлғон иқрорга имзо қўймагунига қадар қийнашгани ҳақида билдирган. Кейин уни тағин қийнашган, юқори мартабали МХХ ходимлари уни озод қилиш эвазига, Гунешнинг оиласидан бир неча миллион доллар товлашга қарор қилишган.

У адвокат сўраганида, унга:

«Воҳид Гунеш, ўзингни қўлга ол. МХХнинг бутун тарихи давомида, бу ерга тушган бирор одам айбсиз деб эътироф этилмаган ва озодликка чиқарилмаган. Бу ерга тушган ҳар бир одам айбдор ва уларнинг ҳаммаси айбини бўйнига олиши шарт.»

Воҳид Гунеш қамоқхонадаги ноинсоний шароит, руҳий қўрқитиш, калтаклаш ва сексуал таҳқир ҳолатлари ҳақида ёзади.

«Сиз энди ортиқ одам эмассиз. У ерда сизга рақам беришади. Сизнинг исмингиз у ерда ҳеч нарсани англатмайди. Масалан менинг рақамим 79 бўлган. Мен энди Воҳид Гунеш эмасдим, 79 эдим. Сиз одаммас, шунчаки бир рақам бўлиб қоласиз.”

Гунеш Ўзбекистонда сўнгги ипигача таланган ягона ҳорижий бизнесмен эмас.

Ўшандан бери нима ўзгарди? Мамлакатга янги президент келди, бироқ, бизнесменларни синдираётган, уларнинг мулкларини тортиб олаётган тизилма илгаригидек мавжуд.

Воҳид Гунешни қийнаган одамлар эса, шу тизилмада ишлашда давом этаётган бўлишса керак.

Айни вазият фонида Ўзбекистонда “Зироат банкаси”нинг очилиши Рассом Туз карикатурасига мавзу бўлди.

Рассом Туз
Eltuz.com

Тағин ўқинг
5 октябр 2017
2017 йил 1 октябрда чиққан суд қарорига кўра, журналист Бобомурод Абдуллаев, 159-модданинг 4-нчи қисми, “мавжуд конституцион тузумни ағдариш” ва ...
3 октябр 2019
Россия Федерация Кенгаши спикери Валентина Матвиенко баёнотига кўра, Ўзбекистон президенти мамлакатнинг Евроосиё иқтисодий иттифоқига қўшилиши масаласини ўрганаётир. Матвиенконинг айтишича, ...
31 август 2018
“У бир оғиз гапирмади, ерга қараб ўтираверди. Раҳмим келди, очиғи. Мен бир баҳона топиб чиқиб кетсам, тўйиб тўйиб йиғлаб ...
6 феврал 2017
Таниқли маҳаллий журналист Тошпўлат Раҳматуллаев “Новости Узбекистана” сайти орқали ўзининг Самарқандда электр таъминотидаги тўхтовсиз узилишлар ҳақида ёзган “Самарқандни зулмат ...
Блоглар
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...