Cатира
11 июл 2017

«Ура! Коллежлар ёпилади, 10-синфга қайтамиз…»

Президент Мирзиёевнинг мактабларни 11 йиллик тизимга қайтариш, бунинг учун коллежларни ёпиш таклифи Ўзбекистондаги кўпчилик томонидан олқишланмоқда.

18 июн куни Халқ таълими вазирлиги ўтказган сўровнома натижаларига ишонадиган бўлсак, 83 фоиз 9-синф битирувчилари ва ота оналар бу таклифни қўллаб қувватлаган.

Мактаб директорлари иштирокида 17 июн куни Тошкентда ўтган мажлисда Бош вазир Абдулла Арипов 2017 йилдан бошлаб Тошкентнинг ҳар бир туманида тўрттадан 10 ва 11 синфлар очилишини айтди.

11-йиллик мактабларга ўтиш тарафдори бўлган аксарият ота-оналар коллежлардаги ўқишнинг сифатсизлигидан норози эканликларини билдиришади.

Бироқ, янги мактаблар ўқитувчиларнинг ойликлари ва шароитларини сақлаган ҳолда, таълим даражасини яхшилашга ёрдам берадими?

Бу ҳақда kun.uz нашрида мақола чоп этган Турсунали Акбаров, 11 йиллик тизимга ўтишда талай муаммолар борлигини айтади.

Квоталарнинг камлиги боис, ҳар йили бор йўғи 10 % ёшлар Олий ўқув юртларига қабул қилиниши мумкин. Ҳар йили мактабни битирадиган 90 фоиз ёшлар энди қаерга боради? Касб ҳунарсиз ва олий маълумотсиз ким уларни ишга олади?

Лондонда яшаётган таҳлилчи Алишер Илҳомов, бу – юрт иқтисодиётини ўрта даражали (олий таълим олишлари шарт бўлмаган) мутахассислар билан таъминлаш бўйича Каримов режаларининг мутлақ барбод бўлганини англатади, дея ҳисоблайди.

«Реал иқтисодиёт талаби бўлмаса, бу мутахассисларнинг нима кераги бор… Ўрта таълим тизимидан воз кечиш қарори, четдан қараганда, иқтисодиётнинг чўкиб қолганидан далолатдир.

Ғарбда ва умуман илгари Советлар даврида, униси ҳам, буниси ҳам – истасанг мактабда ўқишни давом эттириш ва ўрта махсус таълим олиш таклиф этилган. Айни тизим – аpprentice замирида Германия иқтисодиётидаги ютуқлар сири яширинганки, бу тажрибани бошқа давлатлар ҳам қўлламоқда.

Бироқ фақат Ўзбекистон бундан мустасно“.

Рассом Туз
Eltuz.com

  • P.S: Мақола эълон қилингач, 10-11-синфлар очилиши муносабати билан Тошкентда 26 та касб ҳунар коллежлари ва академик лицейлар ёпилиши маълум бўлди. Uznews.uz cайти пойтахтда ёпилиши керак бўлган ўқув муассасалари рўйҳатини эълон қилди.
Тағин ўқинг
8 август 2018
«Биздан олдин келган икки этапнинг ҳам «ломка»си даҳшатли бўлган. Калтакдан ўлганлар, бир умрга майиб бўлганлар ҳам бўлган экан. Биринчи ...
7 феврал 2020
Хитой ҳукумати 5‏ февралгача Шинжон-Уйғур мухтор туманида «Ухань вируси»га чалинганлар сони 32 кишига етганини эълон қилди. Мухтор туман Соғлиқни ...
8 июл 2019
Дилором Иcҳоқова 1955 йилда Тошкент шаҳрида туғилган. Тошкент давлат университети журналистика факультетига ўқишга кирган. Шеърлари матбуотда чоп қилинган. «Эрк» ...
14 ноябр 2016
Яқин бир неча ойлар аввал, мустақиллик байрамига тайёргарлик кўраётган пайтимизда, ҳали «буюк йўлбошчи» тирик эканида газеталаримиз «биз буюк ўзгаришлар ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...