Cатира
11 сентябр 2017

“Стивен Сигал Тошкентдаги турнирда гонорар берилмагани учун қатнашмади»

Ҳолливуднинг машҳур киноактери Стивен Сигал 9 сентябрда Тошкентда бўлиб ўтган Asian Fight 2017 Халқаро жанг турнирида қатнашмади. Шу куни унинг мастер класс бериши ҳам кутилган эди.

«Элтуз» турнир ташкилотчиларидан бири билан гаплашиб, унинг қатнашмагани сабабига ойдинлик киритди.

Исми айтилмаслигини истаган ташкилотчига кўра, Ташкентга 8 сентябрда келган 65 яшар Стивен Сигал, ташкилотчилар унга тегишли бўлган 100 минг доллар гонорорни тўламагани учун 9 сентябр кунги турнирда cтадионга чиқишдан воз кечган.

Турнирда қатнашмаган Сигал Тошкент марказида пиширилиб Гиннес рекорд китобига кирган палов танталарида кўриниш берган.

Айни тадбирда унинг Мирзиëев рафиқаси билан “протоколга зид келгани боис учраштирилмагани” Сигал дилини ғаш қилган.

Гиннес палови режасига кўра, у Мирзиёевнинг рафиқаси билан бир столда ўтириши керак эди, аммо унга руҳсат қилишмаган ва протоколга тўғри келмайди деб айтишган.

Шунингдек, Сигални Тошкентга олиб келган шахснинг билдиришича, актер шахсига қаттиқ теккан бошқа ножоизликлар ҳам бўлган.

Жумладан, актернинг Мирзиёев билан билан белгиланган учрашув режаси бўлган. Мирзиëев эса у билан учрашмаган.

Турнир доирасида Стивен Сигал майдонда мастер-класс кўрсатиши керак бўлган, бироқ актёр ўзбекистонлик ва ҳорижий спортчилар йиғилган «Бунёдкор» стадионида кўринмаган ҳам.

«Элтуз» суҳбатдоши иддаосига кўра, “тадбир ҳомийси «Узмобайл» Стивен Сигалнинг иштироки учун пул ажратган, аммо ташкилотчилар уни ўмаришган.

«Элтуз» мухбири «Узмобайл» ширкатидан бу борада изоҳ ола олмади, у билан норасмий тарзда гаплашган ташкилотчилар “ҳамма муаммо тўланмаган пул билан боғлиқлигига” ишора қилишган.

Аввалига спорт турнири ташкилотчилари бошқа бир жангари юлдуз – Жан Клод Ван Даммнинг ташрифини анонс қилишган, бироқ турнирга бир неча кун қолганида унинг «қаттиқ касаллиги» туфайли кела олмаслигини эълон қилишган.

«Элтуз» манбасининг сўзларига кўра, Ван Дамм Тошкентга касаллиги учун эмас, балки қатнашиш гонорорининг суммаси шартларига келишиш мумкин бўлмаганидан келмаган.

“Сигал Монголияга кетди, у жуда ҳам норози…”, деди «Элтуз» суҳбатдоши якшанба, 10 сентябр куни.

Жанговор санъат устаси ўз гонорорини олмагани «Элтуз»га маълум. Аммо “Узмобайл” ажратган пул қайси ташкилотчиниг чўнтагига тушди деган савол жавобсиз.

Рассом Туз
Eltuz.com

Тағин ўқинг
9 феврал 2017
«Энг катта порахўрлик туғуруқхоналарда. Порахўрликни ҳаёт нормаси деб қабул қила бошлашди», деди Шавкат Мирзиёев 7 феврал куни ўтказган мажлисида. ...
8 март 2018
1910 йили немис коммунисти Клара Цеткина 8 мартни аёллар куни сифатида нишонлашни таклиф қилди. Яъни бу кун аёллар ва ...
27 октябр 2015
Ҳеч телевизор кўрмайман. Лекин қандай қилиб бугун ишдан келиб телевизор пултини қўлимга олиб, Ўзбекистон телеканаллари бўйлаб “ўтлаб” кетганимни билмай ...
16 май 2018
Мирзиёевнинг АҚШга сафари бошланган 16 майда Россия нашрлари ИШИДнинг 5000 жангариси Ўзбекистонга ҳужум қилишга тайёрлиги ҳақида фейк хабарларни тарқатди. ...
Блоглар
23 феврал 2019
​​Эврил Туроннинг пойтахтни Жиззахга кўчириш ҳақидаги таклифини кўпчилик кулги остига олди, кимдир пахта қўйиш сифатида ...
21 феврал 2019
Қачонлардир, Ҳамза театрини вайрон қилишганида, мени ортиқ ҳеч нарса бунчалик яраламайди, деб ўйлагандим. Кейин хиёбон ...
18 феврал 2019
Тиллар ўртасидаги чегаралар аниқ эмас. Қўйингки, ҳатто “тил” тушунчаси ўта баҳсли. Ким тилга аниқ таъриф ...