Cатира
19 сентябр 2017

Миллий боғнинг хусусий ширкатга берилишидан шаҳарликлар норози

18 сентябр куни Тошкент марказидаги Навоий номидаги Миллий боғни бузиш ва қурилишга ҳозирлаш ишлари бошланди.

Вазирлар Маҳкамасининг 2017 йил 4 сентябр қарорига кўра, 2021 йилгача у ерда иккита «Америка тепаликлари» аттракциони, сунъий сув иншооти ва дельфинарий ташкил қилиниши кўзланган.

Спутник нашри, жумладан Ўзбекистон Миллий боғи Stargate systems ширкатига 49 йилга ижарага берилиши, ширкат эса бу лойихага 60 миллион доллар сармоя ётқизиши ҳақида хабар қилди.

Ўз навбатида “Озодлик” нашри айни Stargate systems ширкати рахбари Жаҳонгир Абидович Артикхўжаев эканини билдирди.

Тошкентлик журналист Сергей Ежковга тегишли «Узметроном» сайти эса, “Ўзбекистон ДСҚ раиси оиласига таалуқли бўлган ширкатга Тошкентнинг энг кўҳна, “Комсомол кўли” (хашаки тилда – “Комса”) номи билан машҳур, Алишер Навоий номидаги боғни кенг миқёсда реконструкция қилиш ишлари” топширилганини ёзди.

Пойтахт марказидаги Миллий боғнинг қайсидир шахслар қўлига топширилиши, у ерда «юксак технологик» маскан қуриши ғояси, ўзбек жамияти норозилигини қўзғатди.

Иккита ижтимоий гуруҳ миллий боғнинг толон-тарож қилиниши ва шаҳар экологиясига зарар етказилишига қарши талабномага имзо йиға бошлади.

Хусусан «Меҳр ва оқибат» жамоатчилик ташкилотини денгизлардан йироқ мамлакат пойтахти марказига келтириладиган дельфинлар тақдири ташвишлантираётган бўлса, бошқа гуруҳни, Миллий боғда сақланган сўнгги юз йиллик дарахтлар қисмати қайғуга солмоқда.

Рассом Туз
Eltuz.com

Тағин ўқинг
25 феврал 2017
Ижтимоий тармоқда ўзбек тўйидаги куёвнинг келиндан бўса олиш анъанаси юзерлар нафратига дуч келди. 22 феврал куни Фейсбук тармоғига қўйилган ...
20 апрел 2017
Ўзбекистонлик таҳлилчи Анвар Назирнинг Элтуз мухбирига билдиришича, яқинда Тошкентда ҳокимият даражасида ўтган комиссия йиғилишида кирилга қайтмаслик, лотин алифбосини сақлаб ...
21 май 2018
Андижон вилоятининг Улуғнор туманидаги йиғилишда 19 май куни сўзлаган нутқида, kun.uz нашрининг иқтибос келтириб билдиришича, президент Мирзиёев Ўзбекистон учун ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини кийгизишмоқда, мен билмайман, бироқ ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...