Cатира
27 сентябр 2017

Президентга ишонган ёзувчи тузоққа илинди

Президент Мирзиёев ваъдаларига ишониб ватанга қайган диссидент ёзувчи Нурилла Отахонов (Нуруллох Муҳаммад Рауфхон)нинг, 27 сентябр куни Тошкент аэропортида ҳибсга олиниши ижтимоий тармоқдаги ўзбек сегментини жунбушга солди.

Сиёсий таҳлилчи Алишер Илҳомов, воқеага изоҳ билдириб, уни “Мирзиёевнинг “эзгу” ниятлари ҳақидаги иллюзия ва ўз соддалигининг илк қурбони” дея атади.

“Бечора, қувғиндаги ёзувчи Нурулло Отахонов, юртдошларини, жумладан диссидентларни ватанга қайтишга чақирган президентнинг пропагандистик трюки қармоғига биринчи бўлиб илинди”, деб ёзди Алишер Илхомов ўзининг фейсбук саҳифасида.

Унинг сўзларига кўра, бу воқеа “аллақачон чемодан иситмаси қамраган ҳориждаги ўзбекларни хушёр торттирувчи сигнал” бўлиши лозим.

Ўзбек мухолифати лидери Муҳаммад Солиҳ ҳам, президентнинг ваъдаларига ишониб йўлга чиққан ёзувчининг ҳаракатини “ўз жаллодига ҳам раҳми келадиган ўзбек”нинг соддадил феълига йўйди.

“Янги раҳбарнинг ваъдаларига ишониб, йўлга чиққан ва жаллод миршабларнинг қўлига тушган ўзбекнинг буюк ёзувчиси Нуруллоҳ Муҳаммад Рауфхон ҳам шу содда миллатнинг бир фардидир.

Уни бу жаллод тузум панжасидан қутқариб олиш учун ҳаракат ҳар бир виждон ва иймон соҳибининг вазифасидир”, дея баёнот берди у ўз саҳифаси орқали.

Айни пайтда, транспорт прокуратураси талаби билан Тошкент аэропортида 27 сентябр куни хибсга олинган ва Яшнаобод туман ички ишлар бўлимига олиб кетилган ёзувчига нисбатан жиноят иши очилган, адвокат олиш маслаҳати берилган.

Унинг яқинларига кўра, жиноят ишига, адибнинг 2016 йили Туркияда чоп қилган “Бу кунлар” китобига ёзилган эксперт хулосаси асос қилиб олинган.

Ўша йили Андижонлик 37 яшар масжид ноиби Ботиржон Тожибоев Нурилла Отахоновни “Подшога шак келтирган” ўзбек ëзувчиси деб атаган эди.

Ёзувчининг бу асарида Ўзбекистондаги ўзгача фикрловчилар, жумладан, диндорлар ва сиёсий мухолифатга қарши қатағон сиёсати қораланган.

Нурилла Отахонов Тошкентга учиш олдидан “Элтуз” мухбирига берган интервюсида, айни “Бу кунлар” китоби мазмунидан ўрин олган ғоя янги президент оғзидан чиқаётганидан руҳланиб ватанга қайтишга аҳд қилганини айтган эди.

“Элтуз” нашри воқеа тафсилотларини суриштиришда давом этади.

Рассом Туз
Eltuz.com

Тағин ўқинг
17 октябр 2017
Ўзбекистон президенти Шавкат Мирзиёев 16 октябр куни Чеченистон раҳбари Рамзан Қодировни қабул қилди. Лондондаги Шарқшунослик ва Африка тадқиқотлари марказининг ...
1 июн 2016
25 май куни Тошкентда 15 яшар бола бошқарган Nexiaнинг милиция машинасига урилиши оқибатида бир ички ишлар ходимининг ҳалок бўлди. ...
23 март 2018
Президент Мирзиёевнинг Самарқандга ташрифи олдидан йўл чеккаларига ўрнатилган иссиқхоналар расмлари ва видеотасвирлари ижтимоий тармоқда тарқалди. Хўжакўрсинга қурилган иссиқхоналарнинг ичи ...
5 апрел 2017
Ўқувчиларнинг жинсий тегажоғлигидан ҳамкасбини ҳимоя қилган Тошкент шаҳар Олмазор туман 315-умумтаълим мактабининг инглиз тили ўқитувчиси 60 яшар Гулбўстон Низомиддинова ...
Блоглар
14 ноябр 2019
Кеча Лоланинг клипидан сўнг қўштирноқ ичидаги «маънавият» яна долзарб мавзуга айланди. Кўпчилик Лоланинг «исён»ини олқишлаган ...
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” ...
3 ноябр 2019
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...