Cатира
20 декабр 2017

Прокурорлар ўз мол-мулкини ошкор қиладими?

Ўзбекистондаги ҳуқуқ-тартибот ходимларига даромад ва мол-мулкларини декларациялаш мажбурияти юклатилиши ҳақида қонун лойиҳаси тайëрланмоқда.

«Қонун лойиҳасида мансабдор шахслар, шу жумладан, ҳуқуқни муҳофаза қилувчи орган ходимлари даромадларини декларация қилишни назарда тутган бўлим ва нормалар кўзда тутилган. Бугунги кунда қонун тайёрлаш жараёни кетмоқда. Қонун қабул қилингандан сўнг тегишли чоралар амалга оширилади», — деб таъкидлади Бош прокуратура бошқарма бошлиғи ўринбосари Баҳром Қобилов Халқаро пресс-клуб йиғилиши чоғида.

Айни кунларда «Бош прокуратура ходимлари даромадларини декларациялаш жараёни халқаро умумэътироф этилган амалиётни ҳисобга олган ҳолда амалга оширилмоқда», деган прокуратура мулозими тафсилотларга тўхталмаган.

Ўзбекистон прокуратураси тизимидаги ходимларнинг “саксон фоизи ўғри”, деган эди Ўзбекистоннинг жорий президенти Шавкат Мирзиëев видеоселектор мажлисида.

«Элтуз» тасарруфида Ўзбекистоннинг собиқ Бош прокурори Рашиджон Ҳамидович Қодировнинг коррупция йўли билан қўлга киритган мол-мулклари ҳақида ҳужжатлар бор.

Собиқ прокурорнинг Латвиядаги уйларидан бири

Бу ҳужжатларга кўра, 1952 йили Андижонда туғилган Рашид Қодиров Ўзбекистондаги яширин бойлардан биридир.

Дунëнинг ўндан ортиқ мамлакатида Рашид Қодиров оиласига оид мол-мулк борлиги иддао қилинади.

«Элтуз» тасарруфида Рашид Қодиров мулки деб ишонилган Латвиядаги иккита вилланинг фотосурати ҳам бор.

«Элтуз» мухбирлари бу икки вилланинг Қодиров оиласига тегишли экани ҳақидаги Латвия кўчмас мулк реестрларига доир ҳужжатларни кўрган.

Расман тасдиғини топмаган маълумотларга кўра, Қодировнинг Швейцария, Австрия ва Чехияда кўчмас мулклари бор.

Ўзбекистонда прокуратура ходимлари жамиятнинг норасмий бой қатлами сифатида билинади. Тошкентнинг Чилонзор туманида жойлашган прокуратура биносининг олди узоқ вақт мобайнида “қиммат машиналар кўргазмаси» сифатида автоҳаваскорлар диққатида бўлиб келган.

«Ўзбекистонда энг қиммат машиналарни прокуратуранинг оддий ходимлари миниб юради», дейди ҳашаматли автомобиллар ишқибози бўлган тошкентлик киракаш.

Урганчлик нотариус ходимининг айтишича, шу кунларда маҳаллий прокуратура ходимлари ўзларига оид мол-мулкларни зудлик билан узоқ қариндошлари номига ўтказишмоқда.

Рассом Туз
Eltuz.com

Тағин ўқинг
31 октябр 2023
Андижон вилоятининг Қўрғонтепа тумани Хонобод шаҳарчасида яшовчи йигит жасади Қўрғонтепа туман Султонобод шаҳарчасидаги темир йўл ўтиш жойи атрофидаги кўприкка ...
14 август 2019
Бир гуруҳ фаолларнинг 13 август куни шоир Маҳмуд Ражаб ҳимоясига норозилик намойиши ўтказишни сўраб Хоразм вилояти ҳокимига, вилоят ИИБ ...
19 январ 2024
РТ: Азизлар мана хафта айланиб сиз билан юзма юзман. МС: Ина амдолли яна гўришип дурипмиз сизла билан. Ничикизла хўжик брри мўччи ...
30 май 2016
Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...