Cатира
5 январ 2018

Президент айтгани билан МХХ ўз билганини қилади

Ҳориждаги ўзбек мигрантлари ва фаоллари президент чақириқларидан руҳланиб, ватанга қайтишни ўйлашмоқда, Ўзбекистондаги реал вазият эса бошқача.

“Чет эллардаги ватандошларимиз билан алоқаларни кенгайтиришга янада катта эътибор қаратамиз.” деди жумладан Шавкат Мирзиёев 31 декабр кунги янги йил табригида.

30 декабр куни эса ҳуқуқ ҳимоячиси Сурат Икромов президентга, мухолифат лидери Муҳаммад Солиҳни ватанга қайтаришни сўраб мурожаат қилди.

Воқеалар ривожи эса, мухолифат лидери Муҳаммад Солиҳ шахсига ҳукуматнинг муносабати ўзгаришсиз қолаётгани, унинг издошларига босимлар ортаётганини кўрсатмоқда.

29 декабр куни Усмон Ҳақназаров номи остида ЎҲХ сайтида фаолият олиб борганликда айбланаётган журналист Бобомурод Абдуллаев тергови ҳимоячи адвокатларсиз якунланди.

4 январ куни эълон қилган видеомурожаатида Абдуллаевнинг онаси Гавҳар Мадаминова сентябр ойидан буён МХХ ходимлари унинг ёнига адвокат киритилишига тўсқинлик қилиб келишгани ҳақида гапиради.

Мадаминованинг сўзларига кўра, маҳкум журналистни ҳимоя қилмоқчи бўлган таниқли адвокат Сергей Майоровни ҳам МХХ ходимлари шу таҳлит маҳкум журналист ҳимоясидан четлатишган.

27 сентябр куни, журналист ҳибсга олинган куни, Президент сўзларидан руҳланиб, Тошкентга қайтган ёзувчи Нурилла Отахонов ҳам аэропортда ушланган ва у 159-модда, конституцион тузумга тажовуз қилишда айбланганди.

“Мамлакатимиз тараққиётига ҳисса қўшиш истагида бўлган барча чет элдаги юртдошларимизни Ўзбекистонга таклиф этаман, деди давлатимиз раҳбари. Мен уларни қўллаб-қувватлашга ва ҳар томонлама рағбатлантиришга тайёрман” деган эди. Ўзбекистон Президенти Шавкат Мирзиёев ўтган йилнинг 20 сентябрь куни Нью-Йоркда Америка Қўшма Штатларида истиқомат қилаётган бир гуруҳ ватандошлар билан учрашганида» дея эслайди бу гапларни ёзувчи.

Китоби сабаб ҳибсга олинган Нурилла Отахонов жамоатчилик босими натижасида уйига қўйиб юборилди, бироқ тергов халигача ёпилгани йўқ. Президент Чиқишлари атрофидаги эйфория эса давом этмоқда.

Рассом Туз
Eltuz.com

Тағин ўқинг
7 август 2020
25 июль куни қирғизистонлик ҳуқуқ ҳимоячиси Азимжон Асқаров пневмония билан касалланиши оқибатида қамоқхонада вафот этди, аммо ўлим сабаби аслида ...
30 март 2017
«Оила ва жамият» газетасини (29.03) варақлар экансиз, ундаги мақолаларда бугунги ўзбек жамиятининг анча оғриқли муаммолари тилга олинганига гувоҳ бўласиз. ...
19 январ 2019
Таниқли ўзбек театр ва кино актёри Пўлат Саидқосимов 87 ёшида Республика шошилинч тиббий ёрдам марказидаги 6 cоат давом этган ...
13 август 2017
Бу расм ҳам аслида воқеабанд. Тошкент вилоятининг Ўртачирчиқ тумани Қорасув қишлоғи ҳудудида 2015 йилнинг 20 сентябрида Анвар исмли милиция ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...