Cатира
29 январ 2018

Коррупцияда айбланган мулозимларнинг “оқланиши”дан кимга фойда?

Тошкент шаҳри марказидаги модерн меъморчилик намунаси бўлган Киночилар уйи ва бошқа биноларнинг бузилиши Давлат архитектура ва қурилиш қўмитаси раисининг ўринбосари, Архитектура-қурилиш назорати давлат инспекцияси бошлиғи Козим Тўлаганов “ташаббуси” сифатида кўрилмоқда.

Каримов даврида коррупцияда айбланган бу шахс Мирзиëев иқтидори даврида “оқланиб”, юқори лавозимга тайинланган эди.

2006 йилда Козим Тўлаганов Тошкент шаҳри суди томонидан иқтисодий жиноятларда айбланиб, 1 йиллик синов муддати билан 20 йиллик шартли қамоқ жазосига ҳукм қилинганди.

Суд Козим Тўлагановга давлатга 1 миллион 300 минг доллар миқдорида келтирилган зиённи тўлаш мажбуриятини ҳам юклаган.

Бош вазир Абдулла Арипов ҳам Швецияда бошланган коррупция можароси фигурантларидан биридир

Мирзиëевнинг бошқарув тизимида исми коррупцион жанжалларда фигурант бўлган шахслар кўплиги кузатилади.

Ўзбекистон бош вазири Абдулла Арипов 2012 йилда телекоммуникация соҳасидаги коррупция жанжали ортидан ишдан қувилган эди.

Ўзбекистон марҳум президентининг тўнғич қизи Гулнора Каримованинг чет эл ширкатларидан мамлакат телекоммуникация бозорига кириш учун пора олгани билан боғлиқ жанжал ҳам ўша пайтда коммуникация соҳасини назорат қилган мулозим Арипов исми билан боғланади.

Швеция прокуратураси апелляция судига тақдим қилган TeliaSonera масъул ходимларининг ўзаро ёзишмаларида улар Ўзбекистонда бизнес бошлашдан аввал Гулнора Каримова билан алоқа ўрнатишга уринганига ишора бор.

Ўзбекистоннинг бугунги бошқарув элитасига Мирзиёев амри билан “қайтарилган” мулозимлардан бири Тоҳиржон Жалиловдир.

Каримов даврида урилиб, Мирзиёев ҳукуматга келгач, раҳбарлик лавозимига қайтган Тоҳир Жалилов “Ўзбекозиқовқатхолдинг” ширкатига раҳбар этиб тайинланди. Жалилов “GM – Uzbekistan”ни бошқарган пайти коррупцияда айбланиб ҳибсга олинганди.

Кейинчалик унга қўйилган айбловлар бекор қилиниб, “Ўзавтосаноат” бошқарув кенгаши раисининг ўринбосари қилиб тайинланди.

Ўзбек автомобиль саноатидаги коррупцион схемаларни банк орқали амалга оширганликда айбланган “Асакабанк” акциядорлик тижорат банки собиқ раиси, 49 яшар Қаҳрамон Орипов ўтган йилнинг апрелида жиноят ишлари бўйича Тошкент шаҳар судининг апелляция судлов ҳайъати қарори билан суд залидан озод қилинган эди.

Рассом Думҳам бу ҳолатни ўз карикатурасида “Шайтон судга кириб Раҳмон бўлди” деган мазмунда акс эттирди.

Eltuz.com

Тағин ўқинг
15 май 2017
Май ойи бошида Ўзбекистонда оммавий ахборот воситалари фаолиятига дахлдор “Олтин қалам” мукофоти ғолибларини тақдирлаш маросими ортидан ижтимоий тармоқлар ва ...
3 май 2019
Бугун Халқаро матбуот эркинлиги куни жаҳон бўйлаб 26-бор нишонланмокда. 1997 йил 3 майдан буён ҳар йили матбуот эркинлигига муносиб ...
27 апрел 2017
Президент Мирзиёевнинг табиий газни сотишни хусусий операторларга ўтказишга оид ҳужжатни имзолаши ортидан, ўзбек матбуотида бу қарорни олқишловчи материаллар пайдо ...
16 декабр 2017
Алишер Усмонов ўзбекларга совға сифатида юборгани маҳаллий нашрлар тарафидан айтилган Робби Уильямс Тошкентдаги концертда томошабинларга орқасини кўрсатгани тармоқларда қизғин ...
Блоглар
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...
4 феврал 2020
Президент Мирзиёев 31 январь куни Давлат геология ва минерал ресурслар қўмитасида ўтган учрашувда «бир кичкина ...