Cатира
27 феврал 2018

Йирик коррупционер ўғрилар ортидан аймоқларини қамоққа тортишмоқда

Собиқ бош прокурор Рашид Қодировнинг 23 февраль куни ҳибс этилиши ортидан яна бир қанча мулозимларнинг қўлга олингани «Элтуз»га маълум бўлди.

Қодировнинг собиқ ўринбосари Улуғбек Суннатов, собиқ давлат маслаҳатчиси Жамшид Файзиев, Бош прокуратуранинг уюшган жиноятчилик ва коррупцияга қарши курашиш бошқармаси собиқ бошлиғи Улуғбек Хуррамов, Тошкент шаҳри прокурорининг коррупция ва иқтисодий жиноятлар бўйича ўринбосари Мирағлам Мирзаев шулар жумласидан.

Шунингдек, собиқ бош прокурор иши бўйича гумондорларнинг қариндошлари, масалан, Фарҳод Мамажонов, Мирағлам Мирзаевнинг хотини ва фарзандлари ҳам тергов қилинмоқда.

Айни пайтда cобиқ бош прокурорнинг ўғли Алишер Қодировнинг Ўзбекистондан қочиб улгургани ҳақида «Элтуз»га хабар келди.

Маълумотларга кўра, Алишер Қодиров бир қанча тижорат ширкатлари билан бир қаторда «Консул» хусусий адвокатлик идораси раҳбари бўлган.

Унинг адвокатлик идораси орқали прокуратура билан боғлиқ масалаларни «ҳал қилиш» нархи 250 минг доллардан 20 миллион долларгача бўлган.

Шунингдек, Рашид Қодировдан сал илгари қамалган МХХ подполковниги 42 ёшли Нодир Тўрақуловнинг ҳибсга олиниши ортидан унинг қудаси Эркин Норқобиловга нисбатан ҳам жиноят иши очилгани ҳақида «Элтуз»га хабарлар келди.

Эркин Норқобилов ҳам собиқ бош прокурорнинг ўғли каби қочишга улгурган ва ҳозирда у қидирувга берилган.

Нодир Тўрақулов ва Эркин Норқобиловга тегишли барча бойлик, турар жой, автомашиналар мусодара қилинган.

Бу маълумотлар президент Мирзиёевнинг қамоққа олинган МХХ амалдорлари «булбулдек сайраётгани» ҳақидаги гаплари ортидан юзага чиқяпти.

Рассом Кирпи
Eltuz.com

Тағин ўқинг
21 май 2018
Президент Мирзиёев 19-20 май кунлари Андижонда ўтган йиғилишда ДХХ ходимларига уй қуриш ва маошини кўтаришга ваъда берди. «Ҳозир қўл ...
21 апрел 2020
Буюк ҳофиз Комилжон Отаниёзнинг «Сегоҳ»ию «Суворо»ларини тинглаб, шуурим доим бошқа тарафларга йўналади… Аллоҳ руҳига раҳмат айласин, буюк Ҳофиз диндор ...
26 сентябр 2015
Бундан илгари Элтуз Инсон ҳуқуқлари Альянси етакчиси Елена Урлаева билан мустақил журналист Малоҳат Эшонқулованинг Гулистон шаҳрида икки нафар ички ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов бундай гапларни айтиб ўтибди: ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...