Cатира
21 март 2018

Мирзиëев 110 та товуқ боқади

Ўзбекистон президенти Мирзиёевнинг товуқларни нега севиши 20 март куни Самарқанд вилоятининг Оқдарё туманига борганида аниқ бўлди.

Президент матбуот хизмати тарқатган видеода Шавкат Мирзиёев бош вазир бўлганида ҳам, ҳозир ҳам товуқ боқишини айтган.

«Мана, менинг 110 та товуғим бор. Ҳар куни қишин-ёзин 50 тадан тухум келади. Қишлоққа тухум юбораман, қишлоқдан қатиқ билан гўшт келади, бор товоғим, кел товоғим…», дейди президент ўзининг оддий одамлардек яшашига урғу бериб.

Шунингдек, ҳар якшанба куни Мирзиëев бола-чақаси ва куëвлари билан товуқхонани тозалаши ҳақида гапирди.

«Президент бўлсанг ҳам шох чиқмайди. Ҳар куни меҳнат қилиши керак одам!» деди Мирзиёев.

Ўзбекистон президенти бўлиб сайланганидан бир ой ўтиб, 2017 йилнинг 14 январь куни ҳукумат йиғилишида Шавкат Мирзиëев «қишлоқдаги кам таъминланган ҳар бир оила 100 та товуқ боқсин, кам таъминланган оила бўлмайди», деган формулани ўртага ташлаган эди.

Бунинг ортидан матбуотда товуқларга қасида кўпайди ҳамда Вазирлар Маҳкамаси товуқчиликни ривожлантиришга киришиб кетди.

Вазирлар Маҳкамасининг 2017 йил 7 февраль куни эълон қилинган ҳужжатида 4 миллион 200 минг оилага товуқ боқиш учун кредит ажратиш, қишлоқ аҳолисига 85 минг жўжа етказиб бериш режага киритилгани айтилган эди.

2017 йилнинг март ойида «Элтуз» кредитга олинган товуқларнининг бир қисми ўлгани, қолгани эса қайтариб берилаëтгани ҳақида ëзган эди.

Рассом Кирпи
Eltuz.com

Тағин ўқинг
19 октябр 2015
Ўзбекистон инсон ҳуқуқлари жамиятининг фаоллари. Самарқандлик Норбой Холжигитов ва жиззахлик раҳматли Бахтиер Ҳамроев. Норбой Холжигитов Ўзбекистон қамоқхоналариларидан 2011 йили ...
21 май 2024
Қирғиз этнофашистларидан иборат оломон Бишкекда чет элликларга ҳужум қилди – ўнлаб одам яраланди. Қирғизистон пойтахти Бишкекда 18 майга ўтар ...
7 апрел 2016
Март ойида шундоқ ҳам ўйин-кулгидан бўшамайдиган Ўзбекистон телеканалларининг куни туғди. Бу ёғи 8 март, бу ёғи Наврўз билан бўлиб, ...
13 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 35-қисм. Аудиокитоб матнини муаллифнинг ўзи ўқиган. Давоми бор.) Иброҳим Ғафуровнинг шахсияти ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...