Cатира
26 март 2018

Наманганда телефонни оламан деб яна икки киши ҳожатхонада ўлди

Наманганнинг Поп туманида 25 март куни мобил телефонни ҳожатхона чуқуридан олмоқчи бўлган икки киши ўлди.

Воқеа кечқурун соат 22.00 ларда Бобур кўчасидаги 14-уйда уйда содир бўлди.

Ҳожатхона туйнуги ва ундан икки кишининг ўлими эвазига қутқарилган телефон. Хабар.уз

Ўша уйда яшовчи 26 яшар Б.Раҳматов мобил телефонини ҳожатхона чуқурига тушириб юборади. Уни олиш учун 25 ёшли Э.Ниёзовни ёрдамга чақиради. У арқон ёрдамида Раҳматовни чуқурга туширади, шу ерда у ҳушидан кетади.

Раҳматовни қутқариш учун унинг изидан тушган Э.Ниёзов ҳам ҳушидан кетади.

Шундан сўнг икковлонни қутқариш учун Б.Раҳматовнинг 65 ёшли отаси Ҳ.Раҳматов ҳам ҳожатхона чуқурига тушади ва у ҳам ҳушини йўқотади…

ИИВ тарқатган хабарга кўра, бу учала шахс ЎзР ФВВ ходимлари томонидан ҳожатхона чуқуридан чиқарилган пайтда Ниёзов ва кичик Раҳматовнинг воқеа жойида ҳалок бўлгани аниқланган.

Ўзбекистонда бундай воқеа илк бор кузатилаётгани йўқ, “Элтуз” нашри хабар қилганидек, 2017 йилининг июлида уч киши айни шундай аянчли ўлим топган эди.

Ўшанда Samsung-Galaxi мобил телефонини ҳожатхона чуқурига тушириб юборган наманганлик аёл ёллаган икки ишчи ва уларни қутқармоқчи бўлган врач ис газидан ҳалок бўлганди.

«Бу одамларнинг сичқончалик фаҳми йўқ!» дея ўшанда бу манзарани рассом Туз аччиқ сарказм билан акс эттирган эди. Аҳмоқона фожиа айни вилоятда бир йил ўтмай такрорланди.

Рассом Туз
Eltuz.com

Тағин ўқинг
26 октябр 2015
Қудрат Бобожон Eltuz.com Ижтимоий тармоқда жавлон ураётган дўстларимдан бири ёзғириб қолди. “Группамда роса “тролл” кўпайибди, иккиюзтачасини “блок” қилдим!” Бир ...
29 апрел 2019
Ўтган йили қурғоқчиликдан қаттиқ азият чеккан ўзбек деҳқонлари бу йил меъёрдагидан ортиқ ёғингарчилик айрим экинларга салбий таъсир кўрсатаётганидан ташвишда. ...
30 май 2018
Хоразмлик шоир Маҳмуд Ражаб ва яна уч нафар шахс 29 май куни вилоят прокуратурасига чақирилди. Махмуд Ражаб “Элтуз” мухбири ...
15 ноябр 2016
Уотсон 1889 йили Россия империяси ишғоли остидаги Рус туркистони деб аталадиган ўлкаларни кезиб суратлар олди. 1899 йили бу сувратлар ...
Блоглар
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...
4 август 2020
Ўзбекистонда турли матнларда, контекстларда, ҳатто расмий ҳужжатларда кўп ишлатиладиган “буюк аждод” тушунчасидан воз кечиш керак, ...