Cатира
9 апрел 2018

Президент келишига девор бўямаган фаол жазоланди

Президент Шавкат Мирзиёевнинг келишига йўл четидаги уйи деворини сариққа бўямагани учун сирдарёлик ҳуқуқ фаоли Исроил Ризаев уч миллион сўм жаримага тортилди.

«Эзгулик» жамияти фаоли Исроил Ризаевнинг «Озодлик» радиосига билдиришича, уйи деворини бўяшдан бош тортгач, туман милиция бўлими бошлиғи Элёр Абдуллаев Мажбурий ижро бюроси ходимларини чақиртирган. Кейин эса «электр ҳақини тўламаган», деган баҳона билан жарима солинган.

Милиция бошлиғи хунук кўриняпти, дея Ризаев яшайдиган уйнинг дарвозасини ҳам қўпортирган.

Бироқ кейинчалик маълум бўлишича, президент Мирзиёевнинг Сирдарёга 4 апрель куни кутилган ташрифи номаълум кунга қолдирилган.

Бундан сал аввал «Элтуз» президентнинг Самарқандга ташрифи олдидан йўл чеккаларига сохта иссиқхоналар қурилгани ҳақида мақола чоп қилган эди.

Президент ёки бош вазир келиши арафасида бу каби кўзбўямачиликлар қилиниши Ўзбекистоннинг олдинги президенти Каримов давридан буён кенг урчиган.

Масалан, «Элтуз» нашри 2015 йилнинг октябрида одамлар тўп-тўп бўлиб ПВА елим билан чаноқларга пахта ёпиштириб чиқишаётгани ҳақида ёзган эди.

Президент кортежи ўтадиган йўл четидаги хонадон фасадларини бўяш, кўчаларга арчалар келтириб ўтқазиш, қуриб қолса, уларни бўяш урф бўлган эди.

Шунингдек, Каримов даврида президент ўтадиган кўчага қараган уй деворлари ва томлари яшилга ёки Ўзбекистон байроғидаги рангларга бўялиши ёзилмаган қоидага киритилганди.

Рассом Кирпи ўзбек амалдорлари зеҳниятидаги ўзгармас одатни ўз ҳажвий расмида акс эттиради.

Рассом Кирпи
Eltuz.com

Тағин ўқинг
5 март 2019
Ўзбекистон ТВ каналларидан «Абдулҳамид» сериалининг олиб ташланиши турк сериалларига қарши қатламни тағин қўзғади. Бу сафар улар сериалнинг олиб ташланишидан ...
4 январ 2021
Ўзбекистон ҳукуматининг 31 декабрда чиқарилган қарори билан тасдиқланган низомга кўра, коррупцияга қарши курашишга муносиб ҳисса қўшган шахслар давлат мукофотига ...
26 август 2019
Тошкент шаҳрида 23-24 август кунлари Шайхонтоҳур тумани 4-ички ишлар бўлимига «Малика» савдо мажмуасидаги таянч нуқтасига соқолли эркаклар тутиб келтирилиб, ...
4 октябр 2016
Каримовнинг 27 йиллик иқтидори даврида, иқтисод, маданият, маориф жар ёқасига келди. Шавкат Мирзиёев эса, кўп ўйлаб ўтирмасдан, устозидан ўрганган ...
Блоглар
22 октябр 2021
Ўғил неварасини қўрқитиб, мунтазам зўрлаган тошкентлик амаки ҳақида видео тарқалди. Бу амаки «ножўя жинсий ҳаракат ...
18 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 36-қисм. Аудиокитоб матнини муаллифнинг ўзи ўқиган. Давоми ...
14 октябр 2021
Дастлаб большевиклар Ёш бухороликлар, жадидларнинг коммунистик партияга қўшилган аъзоларидан иборат Бухоро Халқ Совет Республикасини туздилар.  ...