Cатира
13 апрел 2018

Тошкент милицияси соқол қўйиш қонунга зид эмаслигини айтди

Тошкентнинг Учтепа тумани аҳолиси билан 10 апрель куни ўтказган мулоқотида ИИВ ўринбосари, Тошкент шаҳри ИИББ бошлиғи Рустам Жўраев соқол қўйиш ё қўймаслик масаласига тўхталди.

«Бу ерда ўтирган барча бу қонунчилик билан тақиқланмаганини тушунамиз. Хоҳлаган одам соқол билан юриши мумкин», — деган Рустам Жўраев.

Мулозимнинг соқол ҳақида гапиришига, газета.ўз нашрига кўра, мажлис қатнашчиларидан бирининг фикри сабаб бўлган.

Сўзга чиққан учтепалик соқол қўйиш 18−35 ёшли эркаклар орасида кенг урф бўлаётгани ҳақида гапирган.

«Агар бу бартараф этилмаса, 2019−2020 йилларга келиб Тошкентдаги барча ёшлар соқол билан юрадиган бўлади»

Унинг бу фикри мажлис қатнашчиларининг бу гулдурос қарсагига сабаб бўлган. Бу иддао нега бунчалик олқишга сазовор бўлганини вазир ўринбосари тушунмаган.

Мулозимнинг фикрича, бу масала «болаларга қандай тарбия берилгани ва маданий жиҳатдан улар нимага ўргатилгани»га боғлиқ.

Соқол қўйишдан ҳам кўра унинг тарғиботи бугунги кунда ўзбек расмийларини кўпроқ ташвишлантираётган кўринади.

Чунки Учтепада айни йиғилиш ўтган куни, «Элтуз» нашрининг ўрганишича, Мусулмонлар идораси котибияти мудири Улуғбек Султонов ва унинг ëрдамчиси Мубашшир Аҳмад ишдан олинганди.

Мубашшир Аҳмад аксарият соқол қўйиш, ҳижобда юриш каби ҳолатлар тарғиб қилинган Азон.ўз нашрининг муассиси ҳам эди.

Бундан илгари, 29 март куни Сенат йиғилишида, «Элтуз» нашри ёзганидек, ДХХ раиси Ихтиёр Абдуллаев Ўзбекистонга хавф солаётган исломий таҳдид ҳақида гапирган эди.

«Динга берилган эркинликларни айримлар нотўғри тушуниши оқибатида диний ақидапарастликнинг кучайиб бораётгани намоён бўлмоқда”, деган эди ўшанда ДХХ раиси.

Рассом Кирпи
Eltuz.com

Тағин ўқинг
20 сентябр 2017
Президент Мирзиёев БМТ Бош Ассамблеясининг 72 сессиясида қатнашиш учун АҚШга россиялик миллиардер Алишер Усмоновнинг Airbus A340-313 шахсий самолётида борди. ...
20 сентябр 2016
Ўзбекистонда президент Каримов маъракалари тугаши биланоқ аҳолини пахта далаларига оммавий сафарбар қилиш бошланди. Биринчилардан бўлиб, 7-8 сентябр кунлари, пахта ...
16 июн 2022
Телефон қўнғироқлари, туҳмат кампаниялари ва шахсий ташрифлар: Давлат хавфсизлик хизмати ўзбекистонлик журналистларни қандай қўрқитмоқда? Бу Ўзбекистон журналистларига нисбатан ДХХ ...
19 октябр 2021
Жиноят ишлари бўйича Қашқадарё вилояти судида 18 октябрь куни Миришкор тумани Чандир қишлоғида содир бўлган қотиллик жинояти юзасидан суд ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...