Кремлпараст «матбуот» Ўзбекистоннинг АҚШга яқинлашувидан хавотирда

Мирзиёевнинг АҚШга сафари бошланган 16 майда Россия нашрлари ИШИДнинг 5000 жангариси Ўзбекистонга ҳужум қилишга тайёрлиги ҳақида фейк хабарларни тарқатди.

Гўёки Ўзбекистон Ташқи ишлар вазирлигининг АҚШ элчихонасига ёзган хати бу мақолаларга асос сифатида дастакланган. Бироқ уни чоп этган нашрлар ҳам мактубнинг тасдиқланмаганини билдиришади.

Мактубда Россия махсус хизматларининг мамлакатда фаол эмаслиги боис, «террорчилар сўнгги нишонларини» Ўзбекистонга қаратгани иддао қилинади.

Россия Федерациясида қайд этилган «Госновости», «Мир тесен», «Политикс.ру» каби Интернет нашрлари чоп этган бу мақолаларда Ўзбекистон-АҚШ муносабатларининг илиқлашувидан хавотир сезилади.

Рассом Туз
Eltuz.com