Cатира
4 июн 2018

Ишдан кетган амалдорларнинг қариндошлари қочиш тараддудида

Солиқ қўмитаси раиси Ботир Парпиевнинг ишдан олиниши унга алоқадор кимсаларни кемадан қочишга уринаётган каламушларга айлантирган кўринади.

Қудратли солиқчининг катта-катта амалларни эгаллаб келган яқин қариндошлари бир вақтнинг ўзида лавозимларидан мосуво этилгани ортида ҳам шу сабаб ётгани айтилмоқда.

Тошкентда тарқалган хабарларга кўра, ўтган ҳафтада Ботир Парпиевнинг юқори лавозимли икки қариндоши мамлакатдан чиқиб кетишга уринган вақтда ушлангани ортидан бошқалари ҳам ишдан бўшатилиб, кучайтирилган назоратга олинган.

Мустақил ОАВ эса бир вақтлар Давлат солиқ қўмитаси раисининг биринчи ўринбосари бўлган Абдусалом Йўлдошев ва унинг ўғли Жавлонбек қўшни давлатлардан бирида ушланиб, Ўзбекистонга қайтариб берилганини ёзди.

Айни пайтда улар Давлат хавфсизлик хизматининг “Гвардейский” номи билан танилган изоляторига жойлаштирилгани хабар қилинмоқда.

Бу маълумотлар кўпчилик томонидан Ўзбекистоннинг энг йирик коррупционерларидан бири сифатида кўриладиган Ботир Парпиев устидаги қора булутлар янада қуюқлашаётганини англатади.

29 май куни бўлиб ўтган видеоселектор йиғилишида президент Шавкат Мирзиёев солиқ тизимидаги коррупцияга боғлиқ жиноятлар кўлами жуда кенглигига ишора қилган эди.
“Солиқда ҳам кўп ўйинлар бўлгани, раҳбарияти қандай ишлар билан шуғулланганидан ҳайрон қолдим. Ҳали уни ҳам халқимизга етказамиз “… 70 фоизи коррупция билан боғлиқ, мана шуни ҳамма билиши керак”, деганди ўша йиғилишда давлат раҳбари.

Бу ёқда 15 йил давомида “дунёнинг устуни” бўлган собиқ бош прокурор Рашид Қодировнинг ҳам аҳволи анча чатоқ.

Айрим манбалар ҳибсдаги бу шахс соғлиғи ёмонлашгани сабабли “сангородок”ка ётқизилганини хабар берганди.

Тошкентдаги сўнгги гап-сўзларга қараганда, собиқ бош прокурорнинг “томи кетиб”, ақли кирди-чиқди бўлиб қолган. Ҳозир у барча йиққан-тиққанини давлатга қайтаришга тайёр ҳолатга келган, демоқда вазиятдан хабардор айримлар.

Лекин кўпчилик президентнинг яна бир шов-шувли қадамига интиқ. Бу ҳам бўлса, собиқ Миллий хавфсизлик хизматининг собиқ раиси Рустам Иноятов билан боғлиқ.

Одамлар “энди навбат Рустам Иноятовники, президент қачон бу ҳақда бир қарорга келар экан”, деб кутмоқда.

Қачон қўйилар экан бу қадам? Қўйилармикин?!

Баҳодир Шариф
Eltuz.com

Тағин ўқинг
17 декабр 2015
Бугун машҳур россиялик ҳонанда ва бастакор, Афсонавий “Аквариум” гурухи солисти Борис Гребеншиков Муҳаммад Бекжон озодлигига бағишланган http://marafon-pisem.org/2015/index.html#uz хештеги остидаги ...
2 июн 2019
Россия истилочилари томонидан Самарқанд босиб олингач, 1868 йилги энг қонли жанглар Зирабулоқ тепалигини сақлаб қолиш учун бўлди. Бироқ Россиянинг замонавий ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон Миллий гвардияси қўмондониБаҳодир Тошматовга ...
21 апрел 2016
“Адолат” газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди. ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...