Cатира
13 сентябр 2018

Ўқитувчи ва тиббиёт ходимларидан ташқари ҳамма пахтага чиқади

Андижон вилоятида оммавий пахта йиғим терими ҳали бошланмаган бўлса-да, 10 сентябрь куни бюджет ишчи-хизматчиларининг дастлабки гуруҳи 10 кунлик ётоққа пахта далаларига жўнатилди.

Аммо олдинги йиллардагидан фарқли ўлароқ, ўқитувчи ва шифокорларни пахтага чиқариш ҳақида ҳозирча айтилмаяпти.

Пахта терими олдидан Вазирлар Маҳкамасида ўтказилган йиғилишда жорий йилда 18 ёшга тўлмаган ёшлар, умумтаълим мактаблари ёки бошқа таълим муассасалари ўқувчилари ҳамда ўқитувчилари, тиббиёт ходимларини пахта йиғим-теримига жалб этилмаслик айтиб ўтилганди.

Андижон вилояти ҳокимлигида ишловчи манбанинг айтишича, бу мавсумда ўқитувчи ва тиббиёт ходимларидан ташқари барча корхона-ташкилот ишчи-ходимлари пахта теримига жалб этилади.

Айниқса, маҳалла фуқаролар йиғинлари, Ёшлар иттифоқига катта масъулият юклатилади.

Ҳозирча маориф соҳасидан биронта ҳам ишчи-ходим пахтага чиқиши ҳақида гап-сўз бўлаётгани йўқ. Аммо кўпчилик мавсум ўрталарига келиб, барибир “ихтиёрий ташаббус” ниқоби остида пахтага олиб чиқилишлари мумкинлигидан хавотирга тушмоқда.

Хамма пахтага!

МФЙ раислари ва котиблари, мутахассис ва маҳалла отинойилари маҳаллаларда уйма-уй юриб, пахтага яхши ҳақ тўланишини айтиб, фуқароларни пахта теримига чиқишга чақирмоқда.

Оммавий ахборот воситаларида пахта терими ихтиёрий эканлиги, мажбурий меҳнат аломатлари кузатилса, ишонч телефонларига телефон қилиш мумкинлиги айтиляпти. Аммо корхона-ташкилотларда ишчи-ходимлардан бориш-бормаслиги сўраб ўтирилаётгани йўқ. Навбати билан пахтага борадиганлар рўйхати тузиб бўлинган.

Пахтага оммавий сафарбарлик 15 сентябрдан бошланиши айтиляпти. Савдогарлар, тадбиркорлар, бозорларда савдо-сотиқ қилувчи деҳқону баққоллар маъмурият томонидан пахта йиғим-теримига ҳисса қўшишлари кераклиги айтилиб, тайёргарлик кўриш ҳақида огоҳлантириляпти.

Теримчиларга тўланадиган ҳақларнинг оширилганига қарамай, на маҳаллий ҳукумат, на бошқаларнинг бу йилги мавсумда пахта теримига кўнгилли равишда чиқувчиларни топишга ишончи бўлмаяпти.

Eltuz.com

Тағин ўқинг
2 июл 2018
Июлдан бошлаб Ўзбекистонда ароқ қимматлади. ЎзА хабарида бунга президент Мирзиёевнинг спортга оид 5 мартда чиқарилган қарори сабаб бўлгани айтилмоқда. ...
5 апрел 2019
Сизга омад тилайман, азизим. Оддийгина омад. Кўчада кетяпсиз, сизни машина босиб кетмади. Тасодифан ўрмонда мурдани кўриб қолиб, полицияга хабар ...
24 апрел 2017
«Ялла» гуруҳининг собиқ солисти бўлган Наргиз Байхонова 24 апрел куни Тошкентнинг Чиғатой қабристонига дафн этилди. 70-80 йиллар ўзбек эстрадаси ...
12 ноябр 2018
Бугунги кунда ўз махсулотини мамлакат ичида муваффақаиятли сотаëтган “Coca-Cola Ichimligi Uzbekiston Ltd.” МЧЖ ҚКси ўз брендини турк компаниясига бой ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...