Мирзиëев рус хоккейчиларига совға қилган уй пулини киссасидан тўладими?

Яқинда аллақайси «академик» Ўзбекистон Республикасини монархияга трансформация қилиш таклифи билан чиқди.

Афтидан, мамлакат раҳбари очиқчасига лаганбардорликни сезгани ҳам йўқ, бироқ у бирдан, ҳатто мукофот ва рағбатлантиришларда ҳам муайян қонун ва қоидаларга амал қилиши шарт бўлган президент сифатида эмас, балки мутлақ ҳукмдор, подшоҳ каби ҳаракат қила бошлади.

Айнан тўсатдан калласига келиб қолса, давлат хазинасидан белкуракни тўлдириб саховат кўрсатса ҳам ҳеч ким ғинг дея олмайдиган подшоҳ каби.

Мана, масалан, 16 март куни янги пайдо бўлган подшоҳ Тошкентда мамлакат спортини ривожлантиришга ҳали ҳеч бир ҳисса қўшмаган Россия хоккейи ва фигурали учиш юлдузларига квартиралар ҳадя қилишга фармон берди. Мирзиёев бу ҳақда Humo Arena муз саройи очилишида билдирди.

Квартиралар уларга аванс тариқасида берилади – бирдан келишни хоҳлаб, ўз ҳиссаларини қўшиб қолишса, деган умидда. Агар исташмаса, квартираларни бир неча юз минг долларга сотиб, пулни ўзлари билан Россияга олиб кетиб, ўша ерда харжлашлари ҳам мумкин.

Совғага ажратиладиган шунча квартиралар қаердан олинади? Мўъжиза юз бермайди. Совғалар янги элита турар жойлар қуриш учун уйлари бузилиб кўчирилганлар ҳисобидан амалга оширилади. Ушбу элита уйлар кимлар учун солинмоқда?

Албатта, келаётган юлдузлар учун, токи улар фонида подшоҳ ярқираб кўринсин. Бироқ, шуниси қизиқки, ҳатто ҳозирги Росия ҳукмдори ҳам ўз спортчиларига ўзбек подшоҳи каби саховат кўрсатаётгани йўқ. Бироқ биз учун бу майда ва аҳамиятсиз, ахир Ўзбекистон – энг бой мамлакат. Кўчирилган аҳоли-чи? Ҳечқиси йўқ, улар ўзимизники, уларга Сирғалининг бирор бурчагидан жой топилиб қолар.

Алишер Илҳомов
Лондондаги Шарқ ва Африка тадқиқотлари институти таҳлилчиси
Eltuz.com