Cатира
10 июн 2019

«Атом – бу бомба-ку!!!»

«Ўзатом» агентлиги 9 июнь куни Ўзбекистонда АЭС қурилишига қарши блогерлар шарҳларига жавоб берди.

«Ўзатом» жавобидан маълум бўлишича, Ўзбекистонда атом электростанцияси қурилишига қарши чиқишлар Чернобиль воқеалари мавзуси» билан боғлиқ.

Гап турли рейтингларга кўра, кино тарихида энг оммабоп саналган «Чернобиль» Америка-Британия сериали ҳақида бормоқда. Унда 1986 йилнинг 26 апрелида рўй берган ҳалокат совет ҳукуматининг қандай қилиб ҳалокат миқёсларини яширишга урингани, ҳалокат оқибатларини бартараф этишга интилган совет одамларининг қаҳрамонликлари ҳақида гап боради.  

Қизиғи, «Ўзатом»нинг жавобидан «Чернобиль» сериали гўёки кимнингдир буюртмасига кўра, Ўзбекистонда АЭС қурилишига йўл қўймаслик учун ишланган, деган мазмун келиб чиқади.

«Бу ҳақда (Чернобил ҳақида) гапириш ҳамон фойдали бўлиб қолмоқда – бу ақлларни жунбушга келтиради, ижтимоий тармоқда мунозара ва бахсларга аччиқ озиқ беради, бу дегани – навбатдаги «Чернобиль сериаллари»ни яратаётган шахсларни тинглашга талаб ортади. Бугунги кунда бу миш-мишларнинг навбатдаги буюртмасини олиш учун муҳим ва зарурдир», дейилади мутахасис олимдан кўра махсус хизмат ходими ёзганига кўпроқ ўхшаш  мақола матнида.

Агар сизга электр энергияси керак бўлса, у ҳолда бизнинг атом электростанцияси қуришимизга халақит берманг, дейилади «Ўзатом» жавобида.

Айни пайтда ривожланган давлатлар атомдан воз кечиб, энергия манбаларининг муқобил турлари – шамол, қуёш ва биоёнилғига ўтишмоқда. Масалан, Германия ўзининг сўнгги атом реакторини 2022 йилда, Испания эса 2028 йилда ўчиради.  

Агар Европанинг илғор саноатлашган давлатлари  кутилаётган хатарлардан келиб чиқиб АЭСдан воз кечаётган бўлса, йилига 300 кун қуёш нури ёғиладиган Ўзбекистоннинг ўзини хатарга қўйиши янаям ўринсиз ва у энергиянинг табиий манбалари ҳақида ўйлаши керак.

Бироқ Ўзбекистонда АЭСнинг тақдири аллақачон ҳал қилинган кўринади. 3 июнда “Ўзатом” агентлиги Ўзбекистондаги илк атом электр станцияси Жиззах вилоятидаги Тузкон кўли яқинидаги майдонда қурилишини маълум қилди.

eltuz.com

Тағин ўқинг
10 май 2021
Олмалиқ шаҳрида солиқчилар ёймачилик ортидан тирикчилик ўтказаётган аёлларни судра-судра қилгани ортидан кўтарилган шов-шувдан сўнг воқеа иштирокчилари Давлат солиқ қўмитасининг ...
26 сентябр 2017
Самарқанд руҳий касалликлар шифохонаси раҳбарияти устидан ёзилган ариза бўйича 22 сентябр куни Кун.уз нашри икки қисмдан иборат ўз суриштирувини ...
12 сентябр 2019
“Биздан жиз-з!”нинг бугунги сонида Дўстназар Худойназаров товуқ кабоб қандай тайёрланишини намойиш қилади. Бу галги видео Швециянинг сўлим табиати фонида ...
13 январ 2021
«Элтуз» Ўзбекистондаги касалхоналарнинг cочиқ, лунги ва арра муаммоларини бир минутлик «III Ренессанс касалхонасида» фильмида намойиш этади. eltuz.com
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...