Cатира
23 сентябр 2019

Хоразм ИИБ Маҳмуд Ражаб ва блогерни йўл қоидасини бузганликда айблади

Хоразм вилояти ИИБ матбуот хизмати 23 сентябрь куни адолат истаб Тошкентга Пўлат Бобожоновнинг қабулига пиёда отланган гурланлик шоир Маҳмуд Ражаб ва унинг тарафдорлари ҳаракатини қоралаб расмий муносабат билдирди.

ИИБ билдиришига кўра, Маҳмуд Ражаб 20 сентябрь куни “терговга бир неча маротаба чақирилишига қарамасдан, терговга келишдан бўйин товлаган”, яқинларини атрофига тўплаб “келгусида ҳеч қандай тергов органларига бормаслигини билдириб”,, видеосини facebook саҳифасига жойлаштирган.

Маҳмуд Ражабдан ташқари ИИБ матбуот хизмати Тошкентга юришни видеога олиб тарқатган “аҳолини давлат органларидан норози бўлишга ундовчи” блогер Нафосат Оллошукурова ҳаракатларини ҳам қоралаган.

“Улар билан Урганч шаҳри ҳокими учрашиб, намойишларни ўтказиш учун тегишли тартибда рухсат олиш кераклигини ва бу намойишлар бошқа шахсларнинг кундалик турмуш тарзига салбий таъсир этмаслиги лозимлигини тушунтирган бўлса-да, улар давлат органларини обрўсизлантиришга, фуқароларнинг уларга ишончини йўқотишга қасддан ҳаракат қилиб, шовқин-сурон кўтариб, омманинг эътиборини ўзларига қаратишга уриндилар ва бу жараёнларни тўлиғича ижтимоий тармоқларда жонли тарзда ёритиб бордилар”, дейилади, жумладан, ИИБ хабарида.

Хоразм вилояти ИИБ матбуот хизмати ўз муносабатида йиғилишлар, митинглар, кўча юришлари ёки намойишлар уюштириш, ўтказиш тартибини бузганлик учун амалдаги қонунчилигимизда жавобгарлик белгиланганлигини эслатган.

Муҳаммад Солиҳ асарларини Ўзбекистонга олиб кирганликда асоссиз айбланиб терговга тортилганидан ва қарийб ярим йилдан буён безовта қилинаётганидан норози Маҳмуд Ражаб 20 сентябрь куни бундан буён ИИБ ходимлари сўроғига жавоб беришни истамаслигини билдирган эди.

Eltuz.com

Тағин ўқинг
19 июл 2016
Бугун Ўзбекистоннинг таниқли ва жасур журналистлари бўлган Галима ва Багила Бухарбоеваларнинг оналари Манзура Бухарбоева вафот этгани ҳақида хабар топдик. ...
31 август 2017
Қудрат Бобожон 1965 йил Урганч шаҳрида туғилган. ТошДУнинг журналистика факультетини тамомлаган. Би-Би-Си, Озодлик радиоларининг минтнақавий мухбири бўлган. «Уруш ва ...
26 август 2016
Ўз томорқасида мева сабзавот етиштирган деҳқонларнинг ҳосилини эркин сотишига рухсат берилмаётгани, уларга милиция ва кучишлатар идоралари орқали босимлар кўрсатилаётгани ...
30 август 2018
Каримов даврида Ўзбекистонда концерт фаолияти тақиқланган Россиялик қўшиқчи Иосиф Кобзон 30 август куни 80 ëшида ўлди. Ўзбекистонда “криминал авторитет” ...
Блоглар
30 март 2020
(Эпистолял эссе) Марҳабога Кўпинча адабий муҳитдан чарчаганимда сенга сим қоқаман. Балки, опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...
21 март 2020
Кейинги 6 ой давомида биз уларни урдик, калтаклаб майиб қилдик. Бонусига порахўрсан, таъмагирсан, дедик. Машина ...