Cатира
21 ноябр 2019

“Гей такси” кимнинг фирмаси?

Ҳажвий хабар

Тошкент шаҳри Ички ишлар бош бошқармаси ходимлари томонидан ўтказилган тезкор тадбирлардан бири юқори лавозимли амалдор аралашуви билан барбод бўлди.

Бу ҳақда “Элтуз”га маълум қилган Ички ишлар вазирлиги ходимининг сўзларига кўра, Тошкентда бир жиноий гуруҳ муайян тоифадаги одамларни таксига миндириб, кейин гейлар билан суратга олиб, уларни шантаж қилаётгани ҳақида тезкор келиб тушган. 

Ўрганишлар давомида шантажчилар халқ орасида “Гей такси” номи билан танилган “Акфакар такси” МЧЖ билан боғлиқлиги ҳақида маълумотлар олинган.

“Биз тезкор тадбир ўтказиб, шантажчиларни етарли далиллар билан қўлга туширдик. Аммо Тошкент шаҳри ҳокимлигининг энг юқори даражадаги мулозими аралашуви билан уларни қўйиб юборишга мажбур бўлдик”, деди ИИВдаги манба. 

Унинг қўшимча қилишича, бу иш ҳақидаги хабарлар ижтимоий тармоқлар ва ОАВда тарқалиб, катта шов-шув ва норозиликларга сабаб бўлганидан кейин ҳам тезкор тадбир давомида тўпланган маълумотлар доирасида тегишли чоралар кўришнинг имкони бўлмаяпти.

“Чунки Бош прокуратура ҳам, Сенат ҳам ўша мулозим томонида турганга ўхшаяпти. Сайлов олдидан демократия ўйинига берилиб кетган партиялар ҳам бир сас чиқариб, кейин ис чиқариб юборди”, деди “Элтуз” суҳбатдоши. 

Ижтимоий тармоқлар ва ОАВда тарқалган маълумотларга кўра, “Акфакар такси” МЧЖ Тошкент шаҳри ҳокими Кўчабек Зўрхўжаевнинг бизнес тузилмаларидан биридир.

Ҳокимнинг ўзи бу хабарларга изоҳ бериб: “Булар ҳар хил хабарларни тарқатаверади. Лекин ўн минг доллар берсанг, ўша таксини мақтаб чиқади-да, реклама асосида дейди”, деди. 

“Ҳақиқатан ҳам шу такси фирмаси сизга қарашлими? Шу компания вакиллари одамларни шантаж қилиш билан шуғулланяптими”, деб берилган тўғридан-тўғри саволга Кўчабек Зўрхўжаев: “Канечно, любой бизнес хорошо. Мен шесть секундда 5-10 та шундай фирма тузишим мумкин. Лекин мен бундай ифлослик қилмайман. Ота-онам мени бунга ўргатмаган”, деди.

Тошкент шаҳри ҳокимлиги матбуот хизмати ҳам бу масалага ўз муносабатини билдирди.

“Кандо замон келди узи?” (ёзув услуби сақлаб қолинган – таҳририят) дея ҳайратини яширмайди фейсбук саҳифаси орқали ҳокимликнинг матбуот хизмати раҳбари Пахтаой Яллаева.

Ҳоким журналистлар билан суҳбат чоғида ўз одамларини хафа қилдириб қўймаслигини ҳам қистириб ўтгани ва “гей шантаж” воқеасида иштирок этган шахсларнинг жавобгарликдан қутулиб қолгани ўртасида қандай боғлиқлик борлиги масаласи ҳозирча очиқ қолмоқда. 

“Элтуз”

Тағин ўқинг
14 ноябр 2016
Бугунга келиб, барча номзодлар ичида ўз фейк аккаунтларига эга бўлган Хотамовнинг Твиттердаги фалловерлари сони 957 тага, твитлари сони эса ...
9 сентябр 2019
«Элтуз» ҳар ҳафта ўзининг ютуб каналида Швецияда яшаётган ўзбек ошпази Дўстназар Худойназаров билан ҳамкорликда янги «Биздан жиз-з» рукнини бериб ...
27 сентябр 2017
Украина суди томонидан қамоққа олинган 51 яшар ўзбек журналисти Нарзулло Охунжонов Ўзбекистонга эстрадиция қилиниши мумкин. Фото: Рефат Чубарев «Детектор ...
8 август 2016
«Ҳуррият» газетасида (03.08.16) чоп этилган «Жамиятни ҳалокатдан қутқарувчи куч» сарлавҳали мақолада Чор Россияси ва шўролар даврида халқимизнинг маънавий бойликларини ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...