Cатира
20 январ 2020

Янги авиакомпания – Humo Airни қабул қилиб олинг!

Бош вазир Абдулла Арипов 18 январь куни 2020 йилда Humo Air давлат авиакомпанияси ташкил этилишини эълон қилди. Унинг сўзларига кўра, фақат мамлакат ичида учадиган янги авиакомпания тарифлари «ҳозиргисидан анча арзон бўлиши керак».

Humo Air учоқларни қаердан олиши ва нима сабабдан янги авиакомпания тарифлари бошқа давлат авиакомпанияси –  «Ўзбекистон ҳаво йўллари»никидан арзон бўлиши ҳақида ҳозирча аниқ айтилмаган.

Эртаклардаги ҳумо қуши персонажини 1992 йили ëзувчи Пиримқул Қодиров таклиф қилган. Рассом Анвар Мамажонов бу афсонавий қушни график стилизация қилиб, герб марказига жойлаштирган эди.

Эрон мифологияси маҳсули бўлган ҳумо тасвирининг сийқа кўринишлари такрори ўзбек блогерлари аллергияси ва сарказмига нишон бўлди.

«​​Албатта, янги очиладиган авиакомпанияни номи Humo Air бўлиши мантиқан ҳам, рамзий маънода ҳам нормал. Чунки дунёда «Пегасус» (учар от) каби номли авиакомпаниялар ҳам бор. Аммо «Ҳумо» деган ном ҳозирда ҳар учта рестораннинг бирида, ҳар иккита тўйхонанинг бирида борлиги, ундан ташқари, янги қурилган муз саройи ва электрон тўлов тизимларидан кейин ҳам бундай ном берилиши ғалати саволларни келтириб чиқаради», дея ёзди блогер Нурбек Алимов.

Ҳаммаёқ «Ҳумо» бўлиб кетгани ҳақида бошқа бир таниқли блогер Элдор Асанов ҳам ёзди.

«Яхши-ку. Шарқ фольклорига ҳурмат. Таклифим, фақат ҳумо билан чекланмайлик – манбаларда бошқа афсонавий қушлар ҳам тилга олинади. “Ўзатом” – ҳудҳуд. Кўп гапирворяпти охирги пайтларда. Суд – семурғ, унинг адолатига етгунча тасаввуфнинг етти водийсидан ўтиш керак. Шуҳрат Ғаниев – қақнус, ёниб қайта тирилаверади. Ўзбек миллий валютаси – анқо, уруғини топиш қийин», дея киноя қилди блогер Асанов ўз саҳифасида.

Рассом Кирпи

Eltuz.com

Тағин ўқинг
23 март 2021
2015 йилнинг 23 мартида Сингапурнинг давлат бошқарувининг коррупциядан холи шаклини яратган лидери Ли Куан Ю 92 ёшида вафот этди. ...
2 май 2018
Ўзбек спорт шарҳловчиларига МТРК раҳбарияти томонидан 2 май кунги футбол трансляциясида «Ливерпуль» жамоаси ўйинчиси Муҳаммад Салоҳ номини тилга олмаслик ...
28 май 2021
Ҳақиқий уруш йўқ,  Тинчлик ҳам йўқ ҳақиқий, Йиғилар сохта дурур, ясамадир кулгулар. Гар самимий бир инсон кўриб қолсам, мен ...
22 март 2019
Математикага оид “Рисолаи Улуғбек” ва астрономия илмида воқеа бўлган “Зижи жадиди Кўрагоний” асарларини ëзган олим ва давлат арбоби Муҳаммад ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...