Cатира
4 май 2020

Тўғон ўпирилиши юзасидан ДХХ тергов бошлади

Сардоба тўғони ўпирилиши юзасидан терговни Давлат хавфсизлик хизмати олиб бормоқда.

Фожеанинг эҳтимолий айбдорлари устидан Жиноят кодексининг 207-моддаси 1-қисми (Мансабга совуққонлик билан қараш) ва 258-моддаси 2-қисми “б” банди (Тоғ-кон, қурилиш ёки портлатиш ишлари хавфсизлиги қоидаларини бузиш) айбловлари билан иш қўзғатилган.

Сирдарё вилоятидаги Сардоба сув омборининг тўғони 1 май куни ўпирилиши оқибатида Ўзбекистон ва Қозоғистондаги минглаб одамларнинг уй-жойи сув остида қолди.

Соғлиқни сақлаш вазирлигининг маълум қилишича, Сардобадаги тошқин оқибатида жами 17300 кишига тиббий ёрдам кўрсатилган, улардан 56 нафари шифохонага жойлаштирилган.

Қозоғистоннинг Туркистон вилоятида 10 та қишлоқни сув босди, 22 мингдан ортиқ киши эвакуация қилинди.

Юмронқозиқ айбдор

Расмий хабарлар ортидан тармоқда “Столбани қамаган идора”нинг тергов услуби ҳақида латифалар тарқалди. Мана улардан баъзилари:

– Дадаси, сиз қурган Сардобадаги сув омбори ўпирилиб сув тошиб кетибди-ю. Бу сув бизнинг уйгача келиб, оқизиб кетмасмикин?
– Хавотир олма, онаси, бизнинг уйни оқизмайди. Ўша дамбанинг цементи полний шу уйга ишлатилган, қилт этмайди.
. . .

Сардобада Мирзиëев қурган тўғон қулаб тушди. Қурилиш материалларини судга беришибди.
Судда Тош дебди: Мен ўз ишимни қилдим. Мен айбдор эмасман.
Тупроқ дебди:

Мен ҳар доимги ишимни қилдим. Мен ҳам айбдор эмасман.
Цемент дебди:

– Ўлай агар, мен айбдор эмасман. Мен у ерда йўқ эдим…

– Тармоқ юзери Ширин Наврузова эса: “Юмронқозиқлар-чи? Улар ҳам айбини тан олсин”, дея таклиф билдирди.

Рассом Туз бу таклиф асосида “Элтуз” учун сурат чизди. Суратда юмронқозиқ бош айбдор сифатида гавдаланган.

Eltuz.com

Тағин ўқинг
27 апрел 2016
Гап Ўзбекистонда анча вақтдан бери давом этаётган бензин тақчиллиги муаммоси ҳақида бормоқда. Бугун бензин фақат Тошкентдагина бир амаллаб топилаётгани, ...
4 октябр 2016
Учкўприк туманидаги 1-МТМ (мактабгача таълим муассасаси) мудираси 29 сентябр куни кечаси пахта теримига бағишланган селектор мажлисига кетаётиб, ҳокимият биноси ...
25 январ 2016
Қамоқхона бошлиғи ўринбосари порахўр бўлиб чиқди “Ҳуқуқ” газетасининг ёзишича, Навоий вилоятидаги жазони ижро этиш муассасаси бошлиғининг умумий масалалар бўйича ...
13 феврал 2020
Анвар Обиджоннинг 1983 йил ёзилган “Эй, ёруғ дунё!” китоби мазмуни баъзи жиҳатлари билан шу бугунги Ўзбекистонда юз берган воқеаларга ...
Блоглар
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...
20 ноябр 2020
Бугун кечқурун газим ёнмади, ўзи шундоқ ҳам паст ёнарди. Ўтин-кўмир ғамламагандим. Кичкина электрпеч ўзини ўзи ...
18 ноябр 2020
Эрталаб мош сотдим. Кўп эмас, беш юз кило. Мошимни сотиб олган тадбиркор йигит: “Мошнинг пулини ...