Cатира
29 ноябр 2021

Хизматкорни эркалатсанг… ёки швед бош вазири қандай машинада юради?

Швеция бош вазири ўз мамлакатида хизмат машинасига эга ягона сиëсатчи. Қолган мулозимлар ишга ўз машинаси, велосипеди ëки трамвайда боради. Халқи қашшоқ бўлган мамлакатлар мулозимлари қиммат машиналарда юради. Масалан, Ўзбекистон Олий суд раиси учун камида 6 машина хизмат қилади. Улардан бирининг нархи 150 минг доллар.

Аммо Швеция мулозимлари ўта камтар рамка ичига қамалган. Масалан, бутун бир швед парламентида биттагина одамда хизмат машинаси бор. Швеция бош вазири Стефан Лёвенга хизмат мақсадида машина бириктирилган. Мабодо бу машина бош вазирнинг хотинини сартарошхонага олиб борса, қиëмат қўпади. Энг камида бош вазир истеъфога кетади.

Швеция бош вазири Volva S80 минар экан. Бугун реестрдан текшириб кўрсам, бу машинанинг ҳам йили янги эмас. 4 йил минилган экан. Атайин 4 йил минилган Volva S80 неча пул тураркин, деб қарасам, Германияда 18 минг еврода, Швецияда эса ундан ҳам арзонга эълон кўрдим. Яъни Швециядаги асосий биринчи раҳбар 18 минг евролик машинада юраркан.

Ўзбекистон Олий суди раиси эса 150 минг долларлик Мерсда. Шартта парламентга (швед парламенти матбуот хизматига) телефон қилиб: «Жаа ерга урворипсизлар-у ҳукумат мулозимларини. Менинг Стокгольмдаги документи йўқ чилангар дўстим «Бентли» минади», дея эътироз билдирдим ўзимча. Бунга жавобан парламентдаги хушмуоамала хотин: «Швед парламенти ва ҳукумати таксопарк эмас. Мулозимлар велосипедда келса, соғлиғига яхши», деди.

Бу хотиннинг айтишича, швед парламенти аъзоларига жамоат транспортида юриш учун текин ойлик чипта бериларкан. Швед матбуотида бу имтиëзни ҳам бекор қилиш чақириқлари янграб туради. Матбуотга кўра, мулозимлар хизматкордир. Хизматкорни эркалатсанг, сендан олдин тўрга чиқаркан.

Рассом Туз

Тағин ўқинг
12 июл 2019
Рассои Кирпи Eltuz.com
29 май 2018
Бир неча ўзбек фаоллари 23 май куни Швейцария ҳукуматига Ўзбекистоннинг собиқ президенти Ислом Каримовнинг қизига тегишли активларни қайтариш учун ...
6 апрел 2018
Тошкент шаҳри бош имом-хатиби 60 ёшли Анвар Турсунов халқ орасида 16-горбольница деб айтиладиган Шошилинч тиббий ёрдам кўрсатиш республика илмий ...
20 август 2018
Тошкентга келган Тожикистон президенти Имомали Раҳмонни 17 август куни аэропортда президент Мирзиёев қучоқ очиб қаршилади. Имомали Раҳмон худди Брежнев ...
Блоглар
18 январ 2022
Тармоқда икки тоифа муллалар бир-бири билан қирпичоқ бўлмоқда. 1-тоифа: Ҳукумат ва ДХХ йўриғида юриб чизиқдан ...
16 январ 2022
Ўзбекистондаги ҳар бир мулозимнинг ичида битта шоир, ҳар бир шоирнинг ичида битта мулозим яшайди. Бу ...
10 январ 2022
Ўзини бир гуруҳ фаоллар деб таништирган гуруҳ Eltuz телеграм каналига ёзиб, қуйидаги мурожаатни чоп қилишни ...