Cатира
22 апрел 2023

Рассом Туз провинциал цирк ҳақида

Агар, дейлик, турк ëзувчиси Ўрхон Помуқ¸ Эрон киночиси Асгар Фарҳодий  ëки Хитой рассоми Чжан Сяоган Парижга келса, Франция матбуоти улар тамсил қилган мамлакатлар ҳақида ëзган бўларди. Аммо «тонировка текин бўлсин» дея ëзиб, номи тўйтепада машҳур бўлган ўзбек блогерлари ëки палон пулга олган киносини ўзиям томоша қилмаган Мухлиса қизалоқни  Парижга «апкириб» қўйилса, на «янги Ўзбекистон» ва на «эски Ўзбекистон ҳақида «дунë матбуоти» ëзмайди. Мабодо, нимадир дейишса, «Парижди кўриб, музаймоқ еб кетгиси кепти-да» бу аборийгенларни, деб қўйишади Ли Пен тарафдорлари бўлганлар. 

Дарвоқе, Рассом Туз бу ксенофоб Марин Ли Пенни ëмон кўради. Гап Ли Пен ҳақида эмас. Гап жиддийлик ҳақида.  

Тўйтепада «ати чиғган» блогернинг «Эйфел олдида расмга тушиб, Елисей майдонидаги тош йўлакни Олотдаги тротуардан яхши эканини» айтиши «Янги ғоялар генерацияси» эмас. Шу билан бирга «ўзбекистонлик» деган атаманинг ўзи –  менинг назаримда, русийзабон аҳолининг ноқислик комплекси маҳсули. Германиияда ватандошлик олган барчага немис дейилади¸ Францияда эса француз¸ Испанияда испан¸ Саудияда араб¸ Туркияда турк¸ Португалияда португал. 

Шу мантиқдан келиб чиқиб Ўзбекистондагилар ўзбек дейилиши керак. Буни уруғ¸ қабила ва этнос билан боғлаб «Чусовитина ўзбек эмас-ку» дейиш примитивликдир. Бундай қабилачилик Германия¸ Франция¸ Испания ва санаганим барча давлатлар тарихида бор. «Мен немис эмасман, саксонияликман» дейдиган жоҳиллар Германияда ҳам талай. 

Аммо занжи ҳам¸ турк ҳам, Тўйтепадан борган ўзбек ҳам немис паспорти олса, миллати деган жойига «немис» деб ëзилади. 

«Бу немисмас-ку¸ германиялик, десангиз бўлмайдими?» десангиз, «биз бир марта ким немис ва ким германиялик эканлиги аниқлаш учун циркульда бурун ўлчаш каби юзи қароликни қилиб пушаймон бўлганмиз», дейишади. 

Айтмоқчи бўлганим, «этник мансублик»дан хурсанд бўлиш зинҳор «янги ғоялар генерацияси» бўла олмайди. 

«Ана ўзбек қизи Ню Йорк миршабхонасига ишга кирибди. Фахрланайлик» дейиш эса назаримда ўзбекларни камситишдан бошқа нарса эмас. 

«Тонировка текин бўлсин» дея ати чиққанлардан «фикр бобоси» ясаш эса провинциал цирк томошасидан бошқа нарса эмас. 

Ўрхон Помуқ, Асгар Фарҳодий, Чжан Сяоган каби дунë таниган ойдинларни нега етиштириб чиқара олмаганимиз ҳақида ўйлаб кўрсак бўлармиди?

@eltuz

Тағин ўқинг
3 сентябр 2019
Самарқандда 27 август куни ўтган “Шарқ тароналари” фестивали арафасида дайди итлар ва мушукларнинг оммавий ўлдирилиши ижтимоий тармоқларда жамоатчилик норозилигига ...
9 апрел 2016
Ўзбекистонда битирувчилардан иш билан таъминлангани, кўплари эса уй ишларига бандлиги юзасидан қўшиб ёзишлар бўлаётгани, иш ҳақи эса ниҳоятда пастлиги ...
7 ноябр 2018
Қўшкўпир тумани ҳокимлигидаги тунги мажлисни ёритмоқчи бўлгани учун етти суткага қамалиб, 5 ноябрь куни озодликка чиққан урганчлик 47 яшар ...
20 июн 2016
Қирғиз матбуотининг билдиришича, 18 июн куни милицияга мурожаат қилган жалолободлик аёл, қишлоқ масжиди имомининг ўз ўғлини зўрлагани ҳақида ариза ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...