Видео
30 июн 2016

Аҳмадбойнинг ижтимоий тармоқдаги овозаси

Шу кунларда ижтимоий тармоқда чинозлик Аҳмадбой лавҳалари овоза бўлмоқда, бу ҳодиса бундан уч тўрт йил бурун президентнинг коррупционер қизи Гулнора Каримова атрофида тарқаган гапларга ўхшаб кетади. Ўтган ойда бойвачча Аҳмадни қўйиб юборишларини сўраган семизгина болакай илтижоси билан бошланган томоша хануз давом этмокда. Бундан ташқари воқеани ҳукумат каналлари ёритмоқда, 30 июн куни Ўзбек телевидениеси бу ҳақдаги ўзининг иккинчи кўрсатувини эфирга узатди.

Ахмадбойнинг ҳибсга олиниши “кредиторлар” орасида паника яратди. 4 йил давомида одамлар Аҳмадбойга пул, қорамол, автомобил ва олтин буюмларни фоиз олиш учун бериб келишган.

Ҳудди бир вақтлар Гулнора Каримова шотирлари каби, Аҳмадбойнинг шериклари аввалига мижозларини улар ортидаги шахснинг бетондек мустаҳкамлигига ишонтиришга уринишди. Бироқ бу ишонч қумдан яралган эҳром каби тезгина тўкила бошлади.

Аҳмадбойнинг минглаб мижозлари орасида юрак ҳуружи билан шифохонага тушганлар, ҳатто ўлганлар борлиги айтилади. Бироқ, парадокс шундаки, миллион миллион пуллари ҳукумат фойдасига мусодара қилинган бу шўрликларни, халқ ҳазил мутойиба билан қаршиламоқда.

Аҳмадбойнинг фермасига келган аламзадаларнинг бири, судхўр йигит бой отанинг учта сигирини олиб кетаётганини яширмайди. Бу видео ортидан, телеграммда Аҳмадбойнинг сигири деган янги мемлар пайдо бўлди.

Эслатиб ўтамиз, бу галги блогимиз Ўзбекистонда молия пирамидасини яратган ва оқибат қамоққа олинган чинозлик Аҳмадбой ва у ҳақда урчиган лавхалар ҳақида бўлди. Агар сизда бу юзадан фикр мулохазалар туғилган бўлса марҳамат изоҳ колдиринг, уларни бошқалар билан бахам куринг ва умуман, Элтуз сайтига кириб туришни унутманг.

Қудрат Бобожон
Eltuz.com

Тағин ўқинг
20 апрел 2020
Хотираларимда ўтган асрнинг 70-йиллари аурасига кириб қолдим, чиқиш осон бўлмаяпти… Ғарб шеърияти ҳақида ёзилган туркум мақолаларга жаҳли чиққан, ўзини ...
9 апрел 2020
 МОСЁ ТЕСТ БИЛАН МУТОЛАА  (Давоми) «Соф санъат» Балки «Мосё Тест»нинг ўз тафаккури устидаги истибдодини битта Эдгар По эмас, балки ...
18 январ 2018
18 январь куни Самара-Чимкент автойўлида ёниб кетган эски «Икарус» автобусида 52 нафар ўзбекистонликнинг ҳалок бўлиши ижтимоий тармоқнинг ўзбек сегментида ...
2 март 2020
Мансур Мировалев АҚШ давлат котиби Майк Помпео Марказий Осиё раҳбарларини қатағонларни қоралашга чақирган бўлса-да, экспертларнинг таъкидлашича, Пекиннинг минтақадаги таъсири ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...