Видео
27 апрел 2017

Фаоллар Каримовга ҳайкал қўйилишини қоралади

Каримов номини абадийлаштириш қарори бўйича танлов якунига кўра, ҳайкалтарош Илҳом Жаборов унинг ҳайкалини барпо қиладиган бўлди.

У илгари Амир Темур ҳайкалини ясаганидан кейин у Каримов билан ҳайкалтарошлик борасида баҳсга киришганиден кейин диктатор ғазабига дучор бўлганди.

Устидан жиноий иш очилиб, мол мулки мусодара қилинган.

Ҳайкалтарош кейинги 5 йил мобайнида тоғларга чиқиб кетиб, бол етиштириш билан кун кўриб юрган.

Каримов ўлимидан сўнг Жабборов яна ижодга қайтди. Тақдир тақозоси билан Каримовнинг ҳайкалини ясаш танлови ғолиби бўлди.

Танловда турли мамлакатлардан жами 58 ҳайкалтарош 68 ёдгорлик лойиҳасини тақдим этишган.

Кимлар учундир бу маданий жароҳатдир

Дмитрий Тихонов
ҳуқуқ фаоли

Элтуз нашри Каримов номини абадийлаштириш ғояси ҳақидаги фаоллар фикрини ўрганишда давом этади.

Бугун Германияда яшаётган ҳуқуқ фаоли Дмитрий Тихоновнинг фикрича, «Каримовга қўйиладиган ҳар бир ҳайкал ким учундир маданий жароҳатдир».

2015 йилнинг октябрида унинг уйига ўт қўйилган, уй жиҳозлари, жумладан компютер ва оргтехникаси ёниб кул бўлган эди.

Тихоновнинг ҳамкасблари бу ҳодисани унинг инсон ҳуқуқлари фаолияти билан боғлашади.

Ўзбекистонда мажбурий меҳнатга мониторинги билан шуғулланиб келган Тихонов кейинчалик Германияга кетишга мажбур бўлганди.

Ленин ва Сталин ҳайкаллари каби қулатилади

Дилобар Эркинзода
«Қўрқмаймиз!» гуруҳи етакчиси

Бошқа бир ҳуқуқ фаоли, бугун Швецияда яшаётган Дилобар Эркинзода ҳам ҳукуматнинг Каримов номини абадийлаштириш қарорига қарши эканлигини айтади.

Унинг акаси Искандар Худойберганов уйдирилган айблар билан 17 йилдан буён Жаслиқ қамоғида қолмоқда.

Унинг фикрича, Каримов номини абадийлаштириш бўйича олиб борилаётган ишларнинг ҳаммаси вақтинчаликдир.

«Ҳудди мана шу собиқ совет давридаги Ленин, Сталин ҳайкаллари қандай қулатилган бўлса каби, Каримовга қўйилгаҳ ҳайкалларни ҳам шундай қисмат кутаётганини ҳозирги ҳукумат ҳам билиши керак», дейди у.

Ўзбекистон тарихидаги қоп-қора доғ

Абдулла Абдураззоқ
зиёли олим

17 йилдан буён Норвегияда яшаётган 73 ёшли олим Абдулла Абдураззоқ ҳам, «абадийлаштириш жараёни узоққа чўзилмаслигини» айтади.

У Ўзбекистонда «Эрк» Демократик партиясига босимлар кучайганидан сўнг мамлакатни тарк этган эди.

«Ислом Абдуғаниевич Каримов Ўзбекистон тарихига қоп-қора бир чиркин доғ бўлиб тушган шахсдир», дейди Абдулла Абдураззоқ.

Ҳукуматнинг Каримов номини абадийлаштириш қарорини, бундан илгари шоир Жамол Камол, бастакор Зоҳид Ҳақназаров, философ олим Баҳодир Мусаев, ёзувчи Ғафур Йўлдошев, ўзбекистонлик фаол Анвар Хусаиновлар ҳам қоралаб чиқишган эди.

Eltuz.com

Тағин ўқинг
17 май 2017
Андижон вилояти Шаҳрихон шаҳри ва туманида 15 май куни юзлаб беморлар заҳарланиш ташхиси билан касалхонага ëтқизилган. Озодлик радиоси маълумотига ...
10 июн 2016
Мустақилликнинг 25 йиллик тўйи олдидан бошланган ура-ура мақолалар орасидан «Халқ сўзи»да чоп этилган «Тараққиётимизнинг асосий мезони» тўғрисидаги лавҳа ҳам ...
6 апрел 2016
Рассом Элсевар яна бир бор Eltuz.com муштарийлари эътиборини Ўзбекистондаги ҳукумат амалдорлари томонидан амалга ошираётган ёввойилик, мамлакатнинг экофондини йўққа чиқаришга ...
23 март 2018
Швециянинг пойтахти Стокголмда 21 март куни қозоқ, турк, эрон, ўзбек, уйғур диаспораси вакиллари Наврўз байрамини нишонлашди. Наврўз тадбирига мезбонлик ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...