Видео
12 сентябр 2017

Сайҳунобод ҳокими директорларни нега дўппослади?

12 сентябр куни тармоқда Сирдарёда туман ҳокимининг мактаб директорларини ураётгани акс этган видео тарқалди.

Кун.уз нашри тарқатган видеода Сирдарё вилояти Сайхунобод тумани ҳокими Носиржон Эгамбердиев қаршисида қўл қовуштириб саф тортган ўнтача мактаб директорини бирма бир ҳақорат қилиб, қулочкашлаб уради.

Туман ҳокимининг сўзларидан, мактаб директорлари Мустақиллик байрамига ўқитувчиларни олиб келмагани учун дўппосланишаётганини тушуниш мумкин.

“Нимага чиқмийсан? Нимага масъулиятсизлик қиласан? Қўлингни тушир!” деч уради, ўзини оқлашга ҳаракат қилаётган мактаб директорини.

«Бечора районо мудирини итдек қиламан, аслида сен ҳам айбдор. Нега районингни ҳурмат қилмайсан?», дея бақиради ҳоким.

Навбатдаги директорга ўгирилиб кетма-кет мушт тушираркан “Нима, уятмасми? Мустақиллик байрами! Ватанни байрами! Эй ифлос!” дея ҳақоратлаб дўппослашда давом этади ҳоким.

Kun.uz манбасига кўра, вилоят ҳокими Мустақиллик байрами юқори савияда ташкиллаштирилмагани учун, туман ҳокими Носиржон Эгамбердиевга хайфсан берган. Туман ҳокими эса ўз навбатида аламини мактаб директорларидан олган.

Сирдарёда Касб ҳунар таълими бошқармаси бошлиғи бўлиб ишлаган Носиржон Эгамбердиев Сайхунобод туманига 2016 йилнинг октябрида ҳоким этиб тайинланганди.

Рассом Туз
Eltuz.com

Тағин ўқинг
17 январ 2017
Истанбул ҳокими Восип Шоҳин ва Истанбул амният мудири Мустафо Чолишқон 17 январь куни матбуот анжумани ўтказиб, қўлга олинган одамнинг ...
17 апрел 2020
1970 йилнинг бошида “Битлз”ни тарк этганидан сўнг Пол Маккартни (McCartney) ўзининг илк яккахон альбомини чиқарди. Бу вақтга келиб “Битлз” ...
15 октябр 2015
Бундан бир қанча муддат аввал Фарғона вилоятига бош вазир келиши муносабати билан пахта далаларида терилган пахта қайта чаноқларга ёпиштириб ...
10 апрел 2018
Канадада яшовчи Улуғбек Ашур шу бугунги кунда турли қора ишларга мажбурланаётган ўқитувчиларга атаб янги қўшиқ куйлади. “Элтуз” нашри студияси ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...