Асосий мавзулар
4 ноябр 2017

Бобомурод Абдуллаев олдига адвокат киритиш ҳаракати самарасиз қолмоқда

2 ноябрь куни Бобомурод Абдуллаевнинг олдига қўйилмаётган адвокат Муножот Парпиева шикоятини Бош прокурор ўринбосари Алишер Мирасилов 10-15 кун ичида кўриб чиқишини билдирди. Бобомурод Абдуллаев терговида қатнашишга изн ололмагач, у МХХ терговчиларининг ноқонуний ҳаракатлари устидан арз қилишга мажбур бўлганди.

Орада жамоатчилик фаоллари журналистга бошқа ҳимоячи излашди. 1 ноябрь куни адвокат Тўлқин Орифжонов МХХ терговчиси Александр Веселовга ҳибсда қолаётган журналист Бобомурод Абдуллаев ҳимоясига ордер топширди.

“Парпиева ҳали анча ёш, буниси анча ёши катта ва тажрибали”, дея таърифлади ҳуқуқ фаоли Суръат Икромов журналистнинг янги адвокатини. Гуруҳ терговчиси Веселев адвокат Орифжоновни 3-4 кун ичида терговга чақиришни ваъда қилган.

Илгари Парпиева ҳам МХХ бошқармаси подполковниги Нодир Тўрақуловга, кейин эса гуруҳ терговчиси Александр Веселовга бир неча бор мурожаат қилган, у тергов қилинаётган журналист олдига М.Парпиевани 31 октябрь куни киритишни ваъда қилган, бироқ адвокат терговга киритилмаганди.

Бу орада “давлат тўнтариши”да айбланаётган журналистнинг онаси Гавҳаржон Мадаминова давлат ҳимоячиси Ш.Шариповга пул ҳам тўлади.

Бобомурод Абдуллаев тергови бир йилга чўзилиши мумкин

“3 ой кўрилиши керак экан, бир ойи ўтди. Лекин гуруҳ терговчилари агар иш чўзиладиган бўлса, тергов ишлари қонун бўйича бир йилгача давом этилиши мумкинлигини айтишди “, деди С.Икромов “Элтуз” мухбирига. Бундан ташқари, у ишдаги фигурантлар сони кўпаяётгани, иш кенгайтирилаётганидан хавотир билдирди.

Жумладан, у “Эрк” партиясининг Туркияда яшаётган фаоли Ислом Холбой, шунингдек, унинг ўғли ва синглисига қарши жиноят иши очилганини маълум қилди.

Ҳуқуқ фаолининг фикрича, бу ҳаракатлар мухолифат лидери Муҳаммад Солиҳни айбдор қилиш учун бўляпти.

“Бу ишлар Муҳаммад Солиҳ оқланишининг олдини олиш учун қилинган бўлиши мумкин. 1999 йилги портлашлар сценарийси ҳам шундай тайёрланган эди. Энди булар янги президент олдида ўзларини кўрсатишмоқчи”, деди С.Икромов.

Журналист Бобомурод Абдуллаев иши юзасидан МХХнинг бир ходими ҳам ҳибсга олинган, унга нисбатан “давлат сирини ошкор қилиш” айби қўйилмоқда.

Бир йил олдин ҳибсга олинган 27 ёшли Акром Маликов ҳам Бобомурод Абдуллаевга нисбатан очилган тергов иши фигурантига айланган. У интернетда Абдуллоҳ Нусрат тахаллуси билан мақолалар ёзиб келган эди.

Олдинроқ журналист Бобомурод Абдуллаевга маълумот етказганликда айбланиб бир боғбон ва ресторан бош менежерининг ҳам тергов қилинаётгани билдирилган эди.

«Элтуз» журналист Бобомурод Абдуллаевга қарши ишнинг боришини кузатишда давом этади.

Eltuz.com

Тағин ўқинг
17 октябр 2016
Мебел жиҳозлари дўконига, эксклюзив шаклда Марказий Осиё давлат рахбарларига мўлжалланган “Президентлик курси”си келтирилди. Курси енгил бир ҳаракат билан, тез ...
26 сентябр 2016
23 сентябр куни президент вазифасини вақтинча ижро этувчи Шавкат Мирзиёев томонидан имзоланган қонун Ўзбекистонда энг йирик молиявий пирамида қургани ...
14 март 2016
Maхбуслар ҳеч қачон озиқ овқатни тўлиқ олмайди. Албатта олиб қолишади. Масалан, киритган чой, шакар-қанд, сигаретларингизни ярмини махбусга беради. 159 ...
6 октябр 2017
4 октябда ўтган Олий мажлис йиғилишида, “фуқароларнинг кафолатланган меҳнат ҳуқуқларини таъминлаш” парламент комиссияси тузилди. “Мажбурий меҳнатни тақиқлашни” кўзлаган комиссияга ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...