Асосий мавзулар
24 ноябр 2017

Туркияда яшаган ўзбек йигити хотинини ўлдириб қочиб кетди (видео)

Истанбул шаҳрида яшаëтган Ўзбекистон ватандоши 27 ёшли Маъбуд Носиров хотини 25 ёшли Зарифа Шокировани пичоқлаб ўлдирди. Фото: hurriyet.com ўнгдан Маъбуд Носиров, Зарифа Шокирова, Нодир Асланов.

Бу жуфтликни таниганлардан бирининг “Элтуз” мухбирига айтишича, Маъбуд Носиров бундан 5 йил олдин Истанбулга хотини билан келиб, фабрикада ишлай бошлаган.

Қўшниларининг билдиришича, бу оила кўчиб келганидаëқ кунора жанжаллашган.

Маъбуд Носиров бир-икки марта хотинини калтаклаганида қўшнилар келиб ажратгани маълум.

Эридан безган Зарифа Шокирова Истанбулда танишган дўстининг (эркак киши бўлган) уйига бориб яшай бошлаганини айтади бу жуфтликни таниган ўзбекистонлик.

“Маъбуд Носиров хотинини уйга қайтариш учун унга телефон қила бошлади, аммо Зарифа телефонларга жавоб бермади. Маъбуднинг Нодир Асланов деган дўсти бор. Тез-тез уларнинг уйига бориб-келиб турар эди. Маъбуд шу дўстини ишга солиб, бир тузоқ қурди. Режага кўра, гўëки Маъбуднинг Нодирдан қарзи бўлган. Нодир Зарифага телефон қилиб: “Эрингдан оладиганим пулни сен олиб, кам кўстингга ишлат”, деган. Бу гапга ишонган Зарифа эрига телефон қилиб, пулни олиш учун вақт белгилайди”, дейди суҳбатдош.

Қотилликка рашк сабабми?

Ҳикоянинг қолганини маҳаллий турк матбуоти баён этади. “Ҳуррият” газетасида ëзилишича, Зарифа Шокирова Истанбулнинг Мармара денгизи соҳилидаги кўрфазга ўша эркак дўсти билан келиб, эридан пул олмоқчи бўлади. Пул бериш ўрнига эри унинг баданига тўрт марта пичоқ санчади. Чавақланган Зарифа воқеа жойида ўлади.

Маъбуд Носиров воқеа жойидан қочади. Жиноятни текширган турк полицияси Носировнинг ўртоғи Нодир Аслановни ҳибсга олади.

Асланов қотилнинг жиноий шериги сифатида кўрилмоқда.

Зарифа эрининг уйидан қочиб кетганидан сўнг бирга яшаган эркак ким ва унинг кейинги тақдири нима бўлди, деган саволга жавоб йўқ.

Турк полициясига кўра, ўз хотинини ўлдирган Маъбуд Носиров чет элга қочган. Айни пайтда Носировнинг Россияда ëки Ўзбекистонда эканлиги тахмин қилинмоқда.

Носировга нисбатан халқаро қидирув эълон қилинган.

Турк матбуотида Ўзбекистон ватандошларининг фоҳишалик, диний экстремизм, террор ва қотиллик жиноятлари фигуранти бўлаëтгани тез-тез тилга олинади.

Видео: https://youtu.be/EoBUGyiGtM0

Eltuz.com

Тағин ўқинг
24 март 2018
Фарғонанинг Қўштепа туманидаги лўлилар яшайдиган маҳаллада эшак сўйиб сотиш саноат миқëсида амалга оширилган. Шу йилнинг март ойи ўрталарида “Элтуз”га ...
10 май 2020
Ўзбекистон президенти Шавкат Мирзиёев 9 май куни Тошкентда Хитойдан таклиф қилинган ҳайкалтарошлар тарафидан “неосталинизм” услубида барпо этилган Ғалаба боғини ...
1 июл 2020
Power Briefs туркумининг Ўзбекистондаги пахта секторини хусусийлаштириш жараёнида асосий роль ажратилган кластерлар тизимига оид навбатдаги нашри тайёрланди.  Буюк Британиядаги Ольстер университетининг ...
19 апрел 2019
Фолбинларга ишонмайман, лекин уларнинг бизнес моделига қойил қоламан. Бир қарашда келажакни таваккал айтиб, мижозни бунга ишонтириш жуда қийинга ўхшайди. ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...