Видео
2 декабр 2017

Шералини ўн йилга қаматган аëл касалми? (видео)

1 декабрь куни Тошкент шаҳри судида одам савдосида айбланиб, 10 йилга қамалган 28 яшар Шерали Маҳмудов шикояти бўйича аппеляция суди бошланди.

Даъвогар, тошкентлик 37 яшар Севара Ғуломова томонидан судда ҳеч ким қатнашмаган, бироқ аппеляция ҳайъати айбланувчи томон Шерали Маҳмудовнинг келтирган далилларни тинглаган.

Ғуломова Истанбулнинг Божилар маҳалласида 2016 йил охирида 3 ой жинсий қулликда ушлаганини айтиб Маҳмудовни судга берган, 17 октябрь куни Маҳмудов 10 йил муддатга озодликдан маҳрум қилинган эди.

Аппеляция шикоятига кўра, суд айблов томони даъвосига таяниб, далил ва ҳужжатларни чуқур ўрганмасдан Маҳмудовга нисбатан асоссиз ҳукм чиқарган.

Сергели тумани судьяси Музаффар Қўқиев 17 октябрда чиқарган ҳукмда Маҳмудов Жиноят кодексининг 135-моддаси бўйича, яъни одам савдосида айбланган.

Маҳмудов «бачадон саратонидан даволаниш учун Туркияга борган Севара Ғуломовани фоҳишаликка мажбурлаганлиги» айтилади, жумладан, суд ҳукмида.

«Элтуз» мухбири билан гаплашган текстиль фабрикаси ходимлари Маҳмудовнинг «одам савдоси» ёки «фоҳишафурушлик»ка ҳеч бир алоқаси йўқлигини айтишди.

«Элтуз» нашрининг Туркияда ўтказган суриштируви воқеанинг кўпроқ оилавий можарога яқинлигини кўрсатмоқда.

Маҳмудовнинг яқинлари «Элтуз»га давогарнинг «ўйнаши» бўлган Алишерни рашк қилиб, унинг укаси Шералидан қасд олганини билдиришмоқда.

Ғуломовага тегишли экани айтиладиган, давогарнинг яқинларига жўнатилган СМСларда ҳам унинг жазманидан қасд олганига очиқ ишоралар бор.

Шунингдек, маҳкум томонига кўра, аёлнинг Туркияга бачадон саратонидан даволанишга боргани ҳақидаги иддаоси ҳам ёлғон.

У судга тақдим қилган ҳужжат фақат шахснинг текширувдан ўтганлиги ҳақида маълумотнома бўлиб, бу касаллик ташхиси эмас.

«Элтуз» нашрининг Туркиядаги онкология касалхонасидан олган ҳужжатда ҳам Ғуломованинг Туркияда даволанмаганлиги айтилади.

Суднинг кейинги мажлиси 12 декабрга белгиланди. «Элтуз» нашри воқеалар ривожини кузатишда давом этади.

Eltuz.com

Тағин ўқинг
17 март 2021
Андижон давлат университетининг олти ходимида коронавирус аниқлангани ҳақида хабарлартарқалди. АДУдаги манбанинг “Элтуз”га айтишича, аслида касаллик юқтирган талаба ва ходимлар сони бундан ҳам кўп бўлиши ...
10 феврал 2020
Маданий мерос объектлари рўйхатига киритилган Тошкент давлат юридик университети биносининг меҳмонхонага айланиш эҳтимоли тарихчи ва меъморлар ташвишига сабаб бўлди. ...
30 апрел 2019
Президентнинг тўнғич қизи Саида Мирзиёева 15 апрель куни Ахборот ва оммавий коммуникация агентлиги раҳбари ўринбосари этиб тайинлангани ортидан матбуотда ...
18 март 2019
Якутск шаҳрида маҳаллий аёлнинг зўрлангани ҳақидаги хабардан сўнг, 17 март куни кечқурун ўрта осиёлик мигрантларга қарши стихияли норозилик митинги ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...