Видео
6 январ 2018

Бобомуроднинг онаси унинг адвокатдан махрум қилинганлигини айтди (видео)

4 январ куни қамоқдаги журналист Бобомурод Абдуллаевнинг онаси Гавҳар Мадаминова президентга видеомурожаатини эълон қилди.

Ҳуқуқ фаоли Сурат Икромов фейсбук саҳифасида эълон қилган видеосида у 29 декабрда ўғли устидан терговнинг адвокатсиз тугагани; МХХ терговчисининг ўғлига босим ўтказгани; уни ҳимоясига олмоқчи бўлган адвокат Майоровни ишдан четлатишгани ҳақида гапирди.

«Уч ойдан ортиқ давом этган тергов адвокатсиз ўтди. Уни давлат тўнтаришида айблашмоқда. Болам ўзини судда қандай ҳимоя қилади?» дейди она кўзига ёш олиб.

Мадаминованинг сўзларига кўра, 26 декабр куни ўғли билан сўнгги учрашувида, адвокат Майоров маҳкум журналист илтимосига кўра, унинг болалари суратини олиб келган.

Бироқ, суратни Бобомуроднинг қўлига бериши биланоқ, терговчи тортиб олиб қўйган.

Кейин адвокатга «протокол»ни кўрсатишган. «Сиз бўшсиз, Бобомурод ҳимоянгиздан воз кечди», дейишган.

Шунингдек, Мадаминова видеомурожаатида МХХ тайинлаган адвокат Ш. Шарипов хизматидан ҳам воз кечганини билдиради. Унинг сўзларига кўра, бу адвокатнинг ҳеч ёрдами тегмаган, қилган телефон қўнғироқларига жавоб ҳам бермаяпти.

Мурожаати сўнггида маҳкум журналистнинг онаси, президент Мирзиёевнинг Олий Мажлисга мурожаатида айтган гапларини эслатади.

«Сиз «Бундан буён ҳеч кимнинг ҳуқуқи поймол бўлмайди!» дедингиз. Кўриб турибсиз мана, кўриб турибсиз – ўғлимнинг ҳуқуқи, адвокатларнинг ҳуқуқи поймол бўлаяпти. Боламга ёрдам беринг!» дейди Мадаминова.

Видео: https://youtu.be/2NlYiaevY7I

Eltuz.com

Тағин ўқинг
5 март 2018
Журналист Бобомурод Абдуллаев, блогер Ҳаëт Насриддинов, шунингдек, тадбиркорлар Равшан Салаев ва Шавкат Оллоëровнинг жиноят ишлари бўйича Тошкент шаҳар судида ...
13 июн 2016
«Ўзбекистон овози» газетасида эълон қилинган «Мустақил юрт одамлари бугунидан рози, эртасидан кўнгли тўқ» сарлавҳали мақолада Олий Мажлис Қонунчилик палатаси ...
26 сентябр 2017
Шавкат Мирзиёев иқтидорга келгач, Россиялик ўзбек миллиардерларининг мамлакатга келиб бизнес бошлаётгани кузатилмоқда. Алишер Усмонов, Искандар Маҳмудовлар ортидан яна бир ...
16 апрел 2018
Чарли Чаплин 1889 йилнинг 16 апрелида Лондонда дунёга келди. “Буюк диктатор”, “Олтин васвасаси”, “Катта шаҳар чироқлари” каби фильмлари боис ...
Блоглар
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...
31 декабр 2018
Президент Мирзиёевнинг товуқ, эчки боқиб, лимон экиб даромад топиш популистик иқтисодий-сиёсати 2019 йил арафасига келиб ...