Асосий мавзулар
9 феврал 2018

Сифатсиз «Асл бахт» ширинлиги бозордан йиғиштириб олинди

Тошкентнинг «Ўрикзор» бозоридан харид қилган «Асл бахт» ширинлиги сифатидан шубҳаланган журналист Малоҳат Эшонқулова 4 февраль куни ўз суриштирувини ўтказди.

«Мен «Ўрикзор» бозоридан шунақанги чиройли қадоқланган бир қути пирожний сотиб олгандим. Уйга келтирсам, ниҳоятда сифатсиз, расво экан. На чиқарилган санаси ёзилган, на сақланиш муддати ёзилган, қадоғига на ишлаб чиқарувчи тадбиркорнинг, на цехнинг манзили бор. Ҳеч нарса кўрсатилмаган. Пирожнийни кўрсангиз, егингиз келиб, сўлагингиз оқади. Уйга олиб келиб еганимиздан сўнг аҳволимиз ёмонлашди», дея эслайди Эшонқулова.

Кўнгилни айнитар даражада сифатсиз ширинликлар

Эртасига эрталаб Эшонқулова маҳсулотнинг зарарли экани ҳақида СЭС (Санитария эпидемиология станцияси) истеъмолчилар ҳуқуқини ҳимоя қилиш бўлимига бориб ариза ёзади, кейин эса ширинлик сифати юзасидан истеъмолчилар фикрини ёзиб ола бошлайди.

Қутидаги «ширинлик»дан татиб кўрган шахсларнинг барчаси унинг сифати пастлиги, кўнгилни айнитар даражада расволигини, муддати ўтиб кетгани, арзон ва яроқсиз масаллиқдан тайёрланганини билдиришади.

Тушга яқин, соат 13.00 да «Ўрикзор» бозорининг 7-павильонида ўша ширинликлар сотиладиган дўконга солиқчилар, СЭСнинг истеъмолчилар ҳуқуқларини ҳимоя қилиш бўлими ходимлари келиб, Эшонқулова шикояти асосида «разбор» бошлашади…

«Тадбиркорнинг рухсатисиз текшириш мумкинмас!»

Маълум бўлишича, Мансурхон ака исмли қўқонлик тадбиркор ишлаб чиқараётан шу номдаги ширинликларнинг муддати беш ойдан ортиқ ўтиб кетган, бунинг устига қадоқланган қутиларда чиқарилган муддати кўрсатилмаган.

Озиқ-овқат махсулотлари билан боғлиқ яна бир жиддий муаммо уларнинг сифати олдиндан текширилмасдан савдога чиқарилишида, дейди журналист.

«СЭС қачон озиқ-овқат махсулотидан кимдир заҳарланиб, касалхонага тушганидан кейингина текшириш ҳуқуқига эга экан. Яна бир муаммо, одамларимиз, яъни истеъмолчиларнинг ҳеч қачон ўз ҳуқуқларини ҳимоя қилишни билмаслигида…».

Аризаси юзасидан анча талашиб тортишганидан кейингина СЭС маъмурлари пишириқларни текширишга мажбур бўлишади. Бироқ журналист шу «текшириш» жараёнида ҳам савдо хизмати кўрсатиш, ишлаб чиқаришнинг ниҳоятда сохталашиб кетганига, коррупция ва бойишга қаратилганига гувоҳ бўлганини айтади.

«СЭС ходимлари менинг шикоятимга қарамай, тадбиркорнинг рухсатисиз маҳсулотни текширишга олмасликларини айтишди. Ўринбосари 3 бўлак олиб текширамиз деб турганида, бошлиғи келиб қолиб, «йўқ, мумкинмас!» деб туриб олди», дейди у.

СЭС рейдидан сўнг дўкондаги барча ширинликлар «Ўрикзор» бозоридан араваларга ортилиб, қаергадир олиб кетилган.

Озиқ-овқатдан заҳарланиш тез-тез учрайдиган ҳолат

Ўзбекистонда одамларнинг озиқ-овқат маҳсулотларидан оммавий заҳарланиши сўнгги йилларда тез-тез учрамоқда.

«Элтуз» нашри 5 февраль куни Наманганнинг Косонсой туманида 36 киши калла-поча ва хасипдан заҳарланиб шифохонага ётқизилгани ҳақида хабар берган эди.

Ўтган йилнинг ноябрь ойида эшак гўштидан тайёрланган колбасалар шов-шувга сабаб бўлган эди.

Май ойида эса Андижоннинг Шаҳрихон туманида юзлаб одам сифатсиз музқаймоқдан заҳарланган эди.

Видео: https://youtu.be/YGf2bdWIEA4

Eltuz.com

Тағин ўқинг
10 ноябр 2016
Ўзбекистондаги партиялар ўз номзодларига тарафдорлар учун кураш бошларкан, хатто айримларда Мирзиёевга муқобил номзодларнинг хам ютиши мумкинлигига заиф бир умид ...
1 май 2023
Салом қадрли мухлислар, бугун 1 май эътиборингизга Элтуз «600 секунд»нинг  навбатдаги сонини тақдим этади. +++ Ўзбекистон Республикаси референдумининг дастлабки ...
23 июл 2018
Тошкент шаҳри ИИББ наркотиклар тарқатиш иши бўйича айбланаётган тадбиркор Жаҳонгир Умаровга нисбатан қийноқлар қўлланилгани ҳақидаги хабарларни рад этди. ИИББнинг ...
23 март 2018
Президент Мирзиёевнинг Самарқандга ташрифи олдидан йўл чеккаларига ўрнатилган иссиқхоналар расмлари ва видеотасвирлари ижтимоий тармоқда тарқалди. Хўжакўрсинга қурилган иссиқхоналарнинг ичи ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...