Асосий мавзулар
9 феврал 2018

Мирзиёев МХХ раҳбарларини “сотқин ва ғўдайган итлар” деб атади

Ўзбекистон президенти Шавкат Мирзиёев 19 январь куни Сурхондарё вилоятининг Қизириқ тумани ҳокимлиги биносида ўтган вилоят фаоллари йиғилишида кўплаб МХХ ходимларини ишдан ҳайдагани ҳақида ғазаб билан гапирди.

“Мана, мен бугун Бойсун миллий хавфсизлик мелисаси майор Эшқувватов Суннатулло Равшанович деган ғўддайган итни ишдан олдирдим”, деб бошланади “Элтуз” нашрига бугун келиб тушган аудиоёзув.

Йиғилишда Мирзиёев вилоятдаги айрим МХХ ходимларини ўз ҳаддидан ошган давлат сотқинлари, деб атайди. Жумладан, Ангор тумани миллий хавфсизлик бўлими бошлиғи Абдураҳимов Баҳром, МХХ терговчиси, адлия капитани Бердимуҳаммедовни ишдан олишга қарор берганини билдиради:

“Полковник Ҳайдаров “заместитель начальник отдела ВМСГП” деб ёзади, ҳаммаси сотқин ўзи булар. Мен бугун ҳаммасини ишдан олдим!”

Йиғилишда у ўз одати бўйича мулозимларини битта-битта ўрнидан турғазиб, МХХни тозалаш бўйича топшириқлар беради. Мулозимлар эса, “Так точно!”, “Есть!” каби эски КГБ ишоратлари билан жавоб беришади.

Йиғилишда Мирзиёев, жумладан, МХХнинг генерал лавозимидаги учта муовинини ишдан бўшатганини айтган. МХХ раиси ўринбосари бўлган Шуҳрат Ғуломовни қамоққа олганини айтиб: “Сизларда ишлаб кетган битта ноинсоф, ватан хиёнатчиси бўлиб, мана бутун умр қамоққа тушди Ғуломов деган ноинсоф”, дейди.

Мирзиёев, шунингдек, вилоятдаги МХХ раҳбарларини порахўрликда ва бошқа шармандали ишларда айблайди.

“Бу ўша, олдинги сотқинлар, бир-иккитаси Тошкентда юрибди, эртага бориб, уларни ҳам ишдан оламан!” дейди президент.

Ушбу йиғилишдан кўп ўтмай, 31 январь куни МХХ раиси Рустам Иноятовни ишдан бўшатганди. Бу ҳақда Ўзбекистон президентининг МХХ ва прокуратура ходимлари иштирокида ўтказган селектор йиғилишида маълум қилинганди.

Видео: https://youtu.be/Z6KljdLpAMk

Eltuz.com

Тағин ўқинг
20 ноябр 2017
18 ноябрь куни Чеченистоннинг кремлпараст раҳбари Рамзан Қодиров ўзининг Инстаграм саҳифасида Ўзбекистон президенти Шавкат Мирзиёевнинг куёви Ойбек Турсунов билан ...
19 январ 2017
Янги сайланган президентнинг ғайрат-шижоати, яъни кетма-кет йиғилишлар ўтказаётгани, фармонлар қабул қилаётгани газеталарни, шулар қаторида партия нашрларини ҳам анча шошириб ...
2 март 2017
27 феврал куни Тошкентдаги кўп қаватли бинода содир бўлган ёнғин ҳалокати акс этган видео қўйилди. Бунда пиёдалар йўлагига парковка ...
19 декабр 2016
Таниқли хонанда Озода Нурсаидова 17 декабр куни ўзининг инстаграмм саҳифасида Шавкат Мирзиёевдан кечирим сўраши ҳақида ёзди ва сайловда унга ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...