Cатира
8 феврал 2019

Ғор одамининг телевизорга қарши уруши

Айтайлик, ғорда яшайдиган ибтидоий одам ëниқ турган телевизорни кўриб қолди.

Унинг илк реакцияси қандай бўлади? Албатта, дастаси ëғоч тош қуроли билан бу нотаниш «ёв»га қарши курашга киради.

Балки ғор одами телевизорга қарши курашмас? Ким билади дейсиз?

Лекин бу воқеа ибтидоий замонларда эмас, шу бугунги кунларда ўзбеклар орасида учрамоқда.

Фильмлар, ТВ сериаллар дубляжи билан шуғулланувчи артистлар ишини ҳаром дея мақола чоп этган толибон руҳидаги ўзбек сайти Диний қўмита танқидига учради.

Диний сайтда эълон қилинган мақолага кўра, артистлар сериалларни овозлантириш билан “боласига ҳаром луқма едирган” бўлишади.

Мақола муаллифи дубляж артистларини “миллатнинг энг ашаддий хоинлари, бузғунчи, иккиюзламачи, мунофиқ кимсалар”, дея қоралаб, ҳаммани уларга қарши курашишга чорлайди.

“Акс ҳолда охири ёмон бўлади”, дея таҳдид солади мақола муаллифи.

Мақола ортидан ижтимоий тармоқда изоҳлар пайдо бўлди.

«Аёлларингизни тим қора қопга солиб, чандиб, нафас олиши учун тешик қолдириб, ертўлага олиб тушиб, ўра қазиб, ўша ерга тиқиб, икки қават эшик билан тамбалаб, ўзингиз эшик тагида ухланг, шунда сиз тарғиб қилаётган жамиятни қурамиз», деб ёзди, жумладан, фейсбук юзери Хуршид Йўлдошев.

Бироқ кўп ўтмай, ТВ артистларини сазойи қилишни кўзлаган мақола сайтдан ғойиб бўлди.

Ўзбекистонда телевизорга қарши исённинг бугунги нишона шакли қўшни Афғонистонда «анча камол топгани»ни кузатиш мумкин.

Тошкентдаги ўзбек сайти сериалга овоз берганларни халқ душмани деб сазойи қилаётган пайтда Мозори Шарифдаги ўзбек телевизорнинг ўзини дўппосламоқда.

Рассом Кирпи телевизорни дўппослаётган мутаассиб диндорнинг айни кулгили ҳолатини акс эттирди.

Рассом Кирпи
Eltuz.com

Тағин ўқинг
2 май 2018
Туркия президенти Ражаб Эрдўғоннинг хотини Амина Эрдўғон 30 апрель куни ўзининг Twitter тармоғига президент Мирзиёевнинг хотини Зироатхон билан тушган ...
3 сентябр 2019
Самарқандда 27 август куни ўтган “Шарқ тароналари” фестивали арафасида дайди итлар ва мушукларнинг оммавий ўлдирилиши жамоатчилик норозилигига сабаб бўлди.  ...
26 декабр 2023
Россиялик сиёсатчи Захар Прилепиннинг «Россия сегодня» матбуот-марказидаги анжуманда қилган баёнотидан норози ўзбеклар стакан ичида бўрон қилиб, ерларга онтарилиб, дод вой қилиб ...
16 декабр 2015
Улуғбек Ашур Eltuz.com Таниқли хонанда Юлдуз Усмонова 12 декабр куни ўз таваллуд кунида президент Ислом Каримовга бағишлаб қўшиқ яратгани ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...