Асосий мавзулар
23 март 2018

Наврўзга Стокҳолмда қозоқ жамоаси мезбонлик қилди

Швециянинг пойтахти Стокголмда 21 март куни қозоқ, турк, эрон, ўзбек, уйғур диаспораси вакиллари Наврўз байрамини нишонлашди.

Наврўз тадбирига мезбонлик қилган Стокгольмдаги «Абай» қозоқ маданий маркази рахбари Гулмира Асилбекова 2018 йилнинг элбаси томонидан Ўзбекистон йили дея аталиши бежиз эмаслигини айтади.

«Чунки Ўзбекистон бизнинг қадош, ён қўшнимиз» деди Асилбекова «Элтуз» мухбири билан суҳбатда

Наврўзни Қозоғистонлик раққоса Улбола Эрмухаммедова нафақат қозоқ, уйғур, балки ўзбек рақслари билан ҳам қиздирди.

Байрамга келган меҳмонлар алоҳида залда бўғирсоқ, қимиз, талқон каби қозоқ таомларидан ҳам татиб кўришди. Уларнинг айримларини, тайёрлаш усули залда намойиш қилиб кўрсатилди.

Концертни яқинда Францияда концерт бериб қайтган таниқли эронлик хонанда Рустам Мир Лошарий гуруҳи давом эттирди.

Наврўз тадбирида қатнашиш учун Швецияга келган Қозоғистон опера ва балет театри артисти Эрлан Жандарбай ҳам бу йилнинг мамлакатда Ўзбекистонга бағишланишини туғишганлик, қардошлик белгиси деб билишини айтади.

«Элбошининг бу йилнинг Ўзбекистонга бағишлаш қарори замирида туркий тиллик халқларни бирлаштириш ғояси ётади», дейди Эрлан Жандарбай.

Тадбир концерти белгиланган кичикроқ офис зали меҳмонлар билан гавжум бўлди.

Тадбир ташкилотчилари «Элтуз» мухбири билан суҳбатда аввалига каттароқ зални мўлжаллашгани, бироқ Швецияда байрамнинг иш кунига тўғри келгани боис кўпчилик қатнаша олмаслигидан келиб чиқиб, кичикроқ залларни олишганини айтишди.

Тадбирга келган Швециядаги туркман диаспораси вакили, таниқли ёзувчи Оқ Муҳаммад Велсапар «Элтуз» мухбирига Турманистонда ҳам Наврўз қадимдан нишонланиб келингани ва сақланган айрим анъаналар ҳақида сўзлаб берди…

Унинг сўзларига кўра, унинг ёшлигида катталар учун алоҳида каттароқ, кичик болалар учун кичикроқ гулханлар ёқишган, одамлар олов устидан сакраб ўз кучини намойиш этишган.

Швециядаги ўзбек диаспораси вакили Гўзал Шерикбоева қозоқларнинг фаоллигига ҳавас қилганини яширмади, шундай тадбирлар миллатни, халқни бирлаштиришга хизмат қилади, деди у «Элтуз» мухбирига.

Туркман ва ўзбек диаспорасидан фарқли, Швециядаги қозоқ жамоаси Гулмира Асилбекова сўзларига кўра Қозоғистон ҳукумати томонидан ҳам рағбатлантириб келинади. Байрам сўнггида «Абай» маркази вакиллари тадбир иштирокчиларига эсдалик совғалари улашди.

Eltuz.com

Тағин ўқинг
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу тадбирдан кимга қанақа зарар ...
27 декабр 2019
«Совғанг бошингдан қолсин. Китобдан ҳам совға бўладими? Бир миллион рубль бер, битта коттеж ҳам бер!!!» Кечган йилда россиялик миллиардер ...
28 сентябр 2016
Ўзбек халқининг буюк шоири Рауф Парфи 1943 йилнинг 27 сентябрида туғилган эди. Ушбу сана муносабати билан унинг яқин дўстларидан ...
26 август 2019
Тошкент шаҳрида 23-24 август кунлари Шайхонтоҳур тумани 4-ички ишлар бўлимига «Малика» савдо мажмуасидаги таянч нуқтасига соқолли эркаклар тутиб келтирилиб, ...
Блоглар
23 май 2022
(Таниқли шоир ва сиёсатчи Муҳаммад Солиҳнинг “Императив” китобидан 50-қисм. Аудиокитоб матнини муаллифнинг ўзи ўқиган) «Соф ...
17 май 2022
(Таниқли шоир ва сиёсатчи Муҳаммад Солиҳнинг “Императив” китобидан 49-қисм. Аудиокитоб матнини муаллифнинг ўзи ўқиган. Давоми ...
11 май 2022
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...