Асосий мавзулар
17 апрел 2018

Мирзиёевга суиқасдда айбланган шахснинг отаси уни айбсиз деди

Ўзбекистон президенти Шавкат Мирзиëевнинг Қирғизистонга ташрифи пайтида унга суиқасд қилишда айбланиб, 15 йилга қамалган 30 яшар Достонбекнинг отаси Хурсандбек Саримсоқов “ўғлим айбсиз”, дея билдирди.

«АКИ пресс» агентлигига кўра, 17 апрель куни Бишкекда матбуот анжумани ўтказган Саримсоқов ўз ўғлининг Ўзбекистон президентини ўлдириш режаси бўлмаганини айтган.

Ўш шаҳри суди Достонбекни “Ўзбекистон президентига суиқасд уюштиришга уриниш»да айбли деб топиб, 15 йилга озодликдан маҳрум қилган эди.

19 апрель куни Саримсоқовнинг шикоят аризасига биноан Ўш вилояти апелляция суди ишни қайта кўриб чиқади.

Саримсоқовнинг матбуот анжумани пайтида «АКИ пресс»га айтишича, ўғли туҳмат қурбони бўлган.

«Ўғлимни 2017 йилнинг 2 сентябрь куни Миллий хавфсизлик давлат қўмитаси ходимлари қўлига кишан солиб олиб кетишди. Унга Ўзбекистон президентини Бишкек шаҳрига келганда ўлдириш режасини тузди, деган айб юклашди. Уйни тинтув қилганда битта ҳам ҳужжат топишмади. Ит билан текширишганда қора пакетдаги нарсани топишди. Портловчи модда деб расмийлаштирдилар. Ўғлимни уришди, қўлини қайиришди ва қийноқ қўллаб айбини бўйнига олдиришди. Ўғлимга рус тилида ëзилган иқроқномага қўл қўйдиришди. У рус тилини билмайди-ку. Ким ишонади ўғлимнинг битта ўзи президентни ўлдира олади деб. Агар бу ҳақиқат бўлганда мен бу ерда бу гапларни айтиб ўтирмасдим», – дейди Саримсоқов.

Қирғизистондаги Turmush нашрига кўра, 15 йилга қамалган Достонбек 2017 йилнинг август ойида “Жамоат тавҳид ва жиҳод” ташкилоти билан ҳамкорликда Ўзбекистон президенти Шавкат Мирзиëевни Бишкекка ташрифи пайтида отиб ўлдиришни режалаган.

Айни нашрга кўра, Достонбекнинг уйидан суиқасд учун режаланган портлатувчи шнур, пластит ва детонатор каби портловчи моддалар топилган.

Ўзбекистон президенти Шавкат Мирзиëев 2017 йилнинг 5 сентябрида Қирғизистон пойтахти Бишкекка давлат ташрифи билан келган эди.

Eltuz.com

Тағин ўқинг
12 феврал 2022
(Таниқли шоир ва сиёсатчи Муҳаммад Солиҳнинг “Императив” китобидан 43-қисм. Аудиокитоб матнини муаллифнинг ўзи ўқиган. Давоми бор.) МОСЁ ТЭСТ БИЛАН ...
24 ноябр 2016
2016 йилнинг 11 ноябрида ўзбек ҳуқуқ ҳимоячисининг аёли у билан турмада учрашди. Сафар олдидан биз Озода Ёқубовадан унинг маҳкумликдаги ...
10 январ 2022
Қозоғистонда юқори мартабали хавфсизлик ходимлари бирин-кетин ўлик ҳолда топилмоқда. Миллий хавфсизлик қўмитаси полковниги Азамат Ибраевнинг жасади пойтахтдаги ўз уйи ...
1 апрел 2019
Бугун хоҳ смартфон, компьютер ёки планшет бўлсин, уларнинг энг мукаммали ва ишончлиси саналган Apple соҳиблари 40 йил муқаддам унга ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...