Ўзбекистон учун 11$ миллиардлик сиртмоқ

18-19 октябрь кунлари  Ўзбекистонга давлат ташрифи доирасида Россия президенти Владимир Путин Бухоро вилояти чегарасида қурилиши режаланган атом электр станциясининг очилишида қатнашади.

Путиннинг бу сафарги ташрифида унга Россиядан 1000 кишилик расмий делегация ҳам ҳамроҳлик қилмоқда.

Президент Путиннинг ёрдамчиси Юрий Ушаковнинг очиқлашича, Ўзбекистонда қуриш режаланган АЭСнинг нархи, дастлабки ҳисоб китобларга кўра, 11 миллиард АҚШ долларига тенг ва унинг биринчи энергоблоки 2028 йилда қурилиб битказилиши мўлжалланган.

Айни пайтда Ўзбекистон учун энг серчиқим ва экологик зарарли дея кўрилган АЭС қурилишига президент Мирзиёев томонидан изн берилиши жамоатчилик хавотирига сабаб бўлмоқда.

Лондондаги Шарқ ва Африка тадқиқотлари институти таҳлилчиси Алишер Илҳомов Ўзбекистоннинг АЭСга сарфлайдиган пулини ўлим сиртмоғига қиёслади.

«Ўзбекистонни 11 миллиардга ечинтиришади. Ёки бу осилиш учун 11 $ миллиардлик сиртмоқдир. Осиладиган тўлайди», дея изоҳлади таҳлилчи.

Рассом Туз
Eltuz.com