Асосий мавзулар
9 январ 2019

Президент қабули учун пикет қилган аёлнинг телефонидаги видеони ўчиришди

Тошкентда, президент қабулхонаси олдида, турли муаммолар билан вилоятлардан келган беш нафар аёлнинг пикети акс этган видео 9 январь куни тармоқда тарқалди.

“Элтуз” нашрининг ўрганишича, норозилик пикетига чиққан аёллар Ўзбекистоннинг Хоразм, Самарқанд ва Тошкент вилоятларидан бўлиб, уларнинг талаблари ҳам турлича, аксарияти маҳаллий амалдорларнинг уларга нисбатан ноҳақликларига оид бўлган.

Пикет иштирокчиси, 31 яшар Нафосат Оллашукурова “Элтуз” нашрига берган интервьюсида айнан унинг норозилигига маҳаллий ҳокимликнинг Урганчдаги ижара уйидан ҳайдаб чиқаргани сабаб бўлганини билдирди.

Шунингдек, у 9 январь куни эрталаб милиция унинг телефонини олиб қўйиб, ундаги видеотасвирларни ўчириб ташлашгани ҳақида хабар берди.

“Видеоларни ИИБ ходимлари телефонимни олиб қўйиб ўчириб юборишларидан қўрқиб, шу заҳоти фбга ташлаб бордим. Сақлаб қолишга уриндим. Кутганимдек, улар телефонимни олиб қўйишди ва фбга қўйишга улгурмаган видеоларимни ўчириб ташлашди”, дея ёзди Оллашукурова ўзининг фейсбукдаги саҳифасида.

У қўйишга улгурган фейсбукдаги бир нечта қисқа бўлаклардан иборат видеоларда президент маҳкамаси қўриқчиларининг аёллардан бирининг телефонини тортиб олишга уринаётгани, аёлларнинг қаршилик кўрсатишаётгани ҳам акс этган.

Видеодаги ёзувда бир аёл милициянинг “Сиз кимсиз? Нега видеога олаяпсиз?” деган саволига “Президентимиз ҳар ким видеога олишга ва диктофонни қўшишга ҳаққи бор деб қўйдилар!” дея жавоб беради.

Ўзбекистонда ва бошқа кўпгина мамлакатларда президент қўриқчилари қиёфасининг видеога олиниши тақиқланган.

Eltuz.com

Тағин ўқинг
15 сентябр 2016
Ўзбекистонда ҳукумат вакиллари ҳар йилги пахта мавсумини уруш жабҳасига тенглаштиришади. Кўпинча селектор тармоғи орқали Бош вазир (эндиликда президент) Шавкат ...
3 феврал 2016
Мустақил журналист Малохат Эшонқулова навбатдаги видеолавҳасида яқинда ўзбек турмасидан озод этилган маҳкум ҳуқуқ ҳимоячиси Ўктам Пардаевга микрофон тутади. “Ўзбек ...
20 сентябр 2016
Ўзбекистонда президент Каримов маъракалари тугаши биланоқ аҳолини пахта далаларига оммавий сафарбар қилиш бошланди. Биринчилардан бўлиб, 7-8 сентябр кунлари, пахта ...
24 май 2017
Ўзбекистон Республикаси Маданият вазири қарори билан 24 май куни Азамат Ҳайдаров “Ўзбекконцерт” давлат муассасаси директори лавозимига вақтинчалик янги раҳбар ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...