Асосий мавзулар
19 феврал 2019

“Биз қўйлар подаси эмасмиз!”

Бу гап пойтахтнинг Мирзо Улуғбек туманидаги рус тилли аҳолининг Тошкент ҳокими Жаҳонгир Ортиқхўжаев билан 18 февраль кунги учрашуви пайтида айтилди.

600 киши қатнашган мажлис иштирокчилари шаҳар марказидаги қадимий ғиштин уйлар бузилиб, ўрнига Mirzo Ulugbek City қурилиши режасини қаттиқ танқид қилишди.

Мирзо Улуғбек туманида яшовчилардан бири бўлган кекса аëл «Тошкентнинг тарихий қиëфасини қандайдир такасалтанг тужжорлару бир соатлик халифалар пул суғуриш мақсадида бузмасин!» дея ҳайқирди.

«Бизнинг дардимиз умумий — биз ўз Тошкентимиз тарихи сақланишини хоҳлаймиз… Биз Ц-2да яшаймиз ва биз туманимизни сақлаб қолишни истаймиз. Биз учун бизнинг консерваториямиз, 50-мактаб, ўта сифатли қурилган уйлар қадрли. Биз аҳмоқ эмасмиз. Бизни тинглашингизни истаймиз», — дея хитоб қилди аёл.

Йиғилишда тошкентликлар орасида “Акфабой Жоха” дея ном чиқарган ва яқинда у ҳақда эълон қилинган мақолага ишонилса, ўрта маълумоти ҳам бўлмаган Тошкент ҳокими, сенатор Жаҳонгир Ортиқхўжаев сўз олди.

“Mirzo Ulugbek Business City режасига кирган ҳудудда жойлашган уй эгаларининг розилигисиз ҳеч ким биноларни бузмайди”, деди ҳоким.

Айни пайтда шаҳар раҳбари бу ҳудуднинг бузилиш истиқболини ҳам яширмади.

«Агар бузиладиган бўлса, у ҳолда биз сизнинг туманингизга катта мажмуани жойлаштириш ниятидамиз, у ерда ҳокимлик ва сармоядорларнинг вакиллари офиси ишлайди. Сиз улар билан индивидуал тартибда учрашишингиз ва тушунча олишингиз мумкин. Сиз нимани истайсиз, деразангиз қай томонга қарасин, қайси қаватдан бўлсин, қанча фарзандингиз бор, қандай яшашни истайсиз, ҳовлингизда ҳовуз бўлишини истайсизми? Ҳар бир одам билан алоҳида, унинг манфаатларидан келиб чиқиб келишилади. Улар иш режаси тузишади. Агар сиз рози бўлсангиз, албатта. Шунчаки ҳеч ким бузмайди илгаригидек», —дея гўзал ваъда берди Жаҳонгир Ортиқхўжаев.

Йиғилиш сўнггида қатнашчилар ҳокимнинг “Уйларингизга сизнинг рухсатингизсиз ҳеч ким тегмайди», деган сўзларини чапаклар билан қаршилади.

Видео: https://youtu.be/U9sx3xaixdI

Eltuz.com

Тағин ўқинг
11 октябр 2018
Москванинг Тверь тумани суди 24 октябрда Ислом Каримовнинг биринчи хотинидан бўлган ўғли 52 яшар Пётр Каримовнинг «Ўзбекистон ҳаво йўллари» ...
14 апрел 2020
Ўзбекистон ҳукумати «Вояга етмаганлар ва ёшлар ўртасида ҳуқуқбузарликлар профилактикаси тизимини янада такомиллаштириш бўйича чора-тадбирлар тўғрисида»ги қонун лойиҳасини эълон қилди. ...
19 сентябр 2021
Ўзбекистоннинг “Orient Group” компанияси билан боғлиқ бир йиллик тергов иши шуни кўрсатдики, унинг Ўзбекистон президенти билан оилавий алоқаси мавжуд ...
21 сентябр 2018
“Интеграл Инвест” ширкати раҳбари, 18 ой ҳибсда қолган йирик тадбиркор 51 ёшли Жаҳонгир Умаров кассация шикоятидан сўнг 15 сентябрда ...
Блоглар
23 май 2023
Дин ишлари қўмитаси “ҳажга юбораман” деган «апрслар» гапига ишонманглар, деб, “лўхлар”ни огохлантирди. Аммо лўх ва ...
22 май 2023
Ўзбекистоннинг ўрисқул ҳукумати яна бир санкцияга тушган Украинага қарши уруш айбдорини Тошкентга чақириб сийлади. Украинадаги ...
20 май 2023
Элтузнинг душман эмас балки дўст эканлигини энг биринчи англаб тушуниб етган илк расмий киши бу ...