Асосий мавзулар
22 феврал 2019

Жиззах ҳокими нега ҳуқуқ фаолининг уйи деворини бузмоқчи?

Жиззахлик ҳуқуқ фаоли Ўктам Пардаев «Элтуз»га берган интервьюсида шаҳар ҳокимлиги унга қарши даъво аризаси билан фуқаролик судига мурожаат қилгани ҳақида 2018 йилнинг декабрида ўзи кутмаган ҳолда билганини айтди.

Жиззах шаҳри ҳокими Акбар Шукуров имзолаган даъво аризасида Пардаев ўз уйи атрофига девор қуриб, 25 кв. метр давлат ерини ўзбошимчалик билан ўзлаштириб олгани иддао этилади. Ҳоким суддан деворни бузиш ҳақида қарор чиқаришни сўраган.

«Мен мана шу участкада беш йилдан буён оилам билан яшайман. Уйимни ўзимдаги давлат томонидан тасдиқланган кадастр ҳужжатлари асосида қурганман. Ҳозирги кунда ҳокимлик даъво билан чиқиб судга берган менинг устимдан», дейди Пардаев.

Жиззах фуқаролик суди судьяси Ойбек Шомуродов 2018 йилнинг 17 декабрида Ўктамнинг иштирокисиз шаҳар ҳокимлиги даъвосини қондирди ва деворни бузиш ҳақида қарор чиқарди. Суд, шунингдек, Ўктамга 100 доллар атрофида суд харажатларини ҳам тўлаш мажбуриятини юклади.

Суд мажлисига Ўктамни 17 декабрь куни чақиришганида у Тошкентда ХМТ Бош директори Гай Райдер билан учрашувда бўлган.
Ўктамнинг тасдиғича, шаҳар ҳокимлигининг даъвоси асоссиз ва ер ўзбошимчалик билан ўзлаштирилгани йўқ. Унинг гапини адвокати томонидан олинган давлат кадастри хулосаси тасдиқлайди, расмий хулосада қўзғалмас мулк объектлари айни кадастр ҳужжатлари асосида қурилгани таъкидланган.

Ўктамни судга чақириш учун 14 декабрь куни уйига боришганида у Тошкентда ХМТ Бош директори Гай Райдер билан учрашувда бўлган.

«Бу ерга 11 февраль куни суд томонидан тайинланган комиссия ва суд вакиллари келишди, ер майдонини ўлчаб кўришди ва ҳаммаси кадастр ҳужжатлари асосида қурилганига гувоҳ бўлишди», дея билдиради у.

Ўзининг ҳақлигига ишонган Ўктам суд қарорини бекор қилиш ҳақида кассация шикояти ёзди.

19 февраль куни ўтган иккинчи суд мажлисида Ўктамнинг адвокати шаҳар ҳокимлиги даъвосини рад этувчи ҳужжатларни тақдим этди. Бироқ «барча келтирилган ҳужжатлар даъвонинг асоссиз эканини тасдиқласа-да, суд ҳеч бир қарор қабул қилмади ва мажлисни 26 февралга қолдирди», деди Ўктам «Элтуз» нашрига берган интервьюсида.

Eltuz.com

Тағин ўқинг
23 май 2017
23 май куни Марказий Банк Бошқаруви раиси Муллажонов Файзулла Мақсуджонович 67 ёшида оламдан ўтди. 1950 йил Сирдарё вилоятида туғилган, ...
19 август 2020
Беларусдаги норозилик намойишлари ўн биринчи кун давом этмоқда. Намойишчилар иқтидордаги президент Александр Лукашенко сайловларда ютқазди, дея ҳисоблашмоқда ва тинч ...
20 апрел 2018
Анъанавий таксига муқобил, оддий киракашларга бойиш имконини берадиган Uber такси хизмати шу кунгача дунëдаги минглаб ўзбекларни бадавлат қилди. Шу ...
29 ноябр 2021
Швеция бош вазири ўз мамлакатида хизмат машинасига эга ягона сиëсатчи. Қолган мулозимлар ишга ўз машинаси, велосипеди ëки трамвайда боради. ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...