Асосий мавзулар
8 апрел 2019

Судда Шуҳрат Домбрабадскийга ўн йил жазо сўралди

Жиноят ишлари бўйича Тошкент шаҳри судининг ёпиқ мажлисида ўтган асрнинг 90-йилларда Шуҳрат Домбрабадский номи билан танилган 62 яшар авторитет Шуҳратилла Носиров ва унинг Россия ватандоши бўлган акаси 63 яшар Шавкат Носиров устидан суд музокаралари якунланди ва уларга 8 апрелга белгиланган суд мажлисидан сўнг узоқ муддатли жазо ҳукми ўқилиши кутилмоқда.

Шуҳратилла Носировнинг «Элтуз» мухбирига интервью берган, бугунги кунда Швециянинг Стокгольм шаҳрида яшаётган жияни ва айни пайтда келини Шаҳноза Носирова бундан илгари 23 йилдан ортиқ қамоқда ўтириб чиққан қайнотасининг яна бир бор узоқ муддатга қамалишини адолатсизлик, дея баҳолайди.

«2018 йилнинг июнида адамиз рўзадор, оғизочар бераётган эдик. Бирдан чироқ ўчди. ДХХнинг 15 тача жангчиси бостириб кириб, адам ва амакимнинг қўлини қайириб, кишан солиб олиб кетишди. Дод-вой бўлиб кетди. Шу томошани кўрсатиб, тағин уйимизда пишаётган кабобларни ейишди», дея эслайди қанотаси ва амакисининг ҳибсга олиниши воқеасини Шаҳноза Носирова.

Тошкентда ёпиқ ўтаётган судда ака-ука Шуҳратилла ва Шавкат Носировлар Жиноят кодексининг 145, 165, 227 ва 228-моддалари – виждон эркинлигини бузиш, товламачилик, ҳужжатларни сохталаштириш каби қатор жиноятларни содир этганликда айбланишмоқда.

Носировларнинг қамалишидан кўп ўтмай, 2018 йилнинг 1 июлида «Ўзбекистон-24» канали уларни масжидни ўзлаштиришга уринишда айблаб «Манманликнинг охирги бекати» фильмини намойиш қилди. Шаҳноза Носировага кўра, бу кўрсатув республика телевидениеси томонидан қайнотасига нисбатан айбсизлик презумпциясининг яққол бузилишидир.

Бошқа бир эпизодга кўра, ишнинг судга оширилишига Шуҳратилла Носировнинг холаваччаси Баҳодир Шаропов билан уй-жой можароси ва унинг бу юзадан даъвоси сабаб бўлган.

Шаҳноза Носированинг билдиришича, қайнотасининг акаси, асли Польшада туғилган, бир вақтлар Россия депутати бўлган, ҳозирги кунда москвалик тадбиркор, «Диалектик» ширкати раҳбари, Россия ватандоши Шавкат Носировга 9 ой тергов давомида қийноқлар қўлланилган ва ундан 20 минг доллар пора талаб қилишган.

Россиянинг Ўзбекистондаги элчихонаси атташеси К.Афанасьев имзолаган, 2018 йилнинг 26 январида йўлланган мактубда элчихона ўз ватандошининг қамоққа олиниши, суд ёпиқ эшиклар ортида ўтаётгани юзасидан ташвишланиб, нота тайёлаганини маълум қилинган эди.

Шуҳрат Домбрабадский илк бор 1993 йили босқинчиликда айбланиб, бир нечта муддатни чўзишлар билан умумий 23,5 йил қамоқда ўтириб, 2016 йилнинг 18 августида муддати тугагани боис озод этилган эди.

Eltuz.com

Тағин ўқинг
15 феврал 2022
Бор эканда йўқ экан, оч эканда тўқ экан. Бўри баковул экан, тулки ясовул экан. Қарға қақимчи экан, чумчуқ чақимчи ...
16 март 2017
Медведевга совға қилинган  муҳташам қаср ҳикояси Навальний ҳисоботи марказидан ўрин олди. Маълум бўлишича, Россия бош вазирига яқинлиги айтилаётган жамғармага ...
11 январ 2019
Қуйидаги мақолада келтирилган маълумотлар Давлат ҳавфсизлик хизмати таркибида ишлайдиган шахсдан келиб тушди. Ўзбекистон каби ёпиқ мамлакатда давлат органлари кўп ...
2 май 2023
Наманган вилояти  Поп тумани Чодак қишлоғида яшовчи Дониёр Тўрахўжаев босқинчиликда гумонланган 40 яшар укаси Дилшоджоннинг 12-15 апрель кунлари Тошкент шаҳар ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...