Асосий мавзулар
9 май 2019

Ўзбек журналисти роҳинжа мусулмонлари геноциди ҳақида фильм тақдим қилди

Британияда яшаётган мустақил журналист Шоҳида Ёқуб Бирма (Мьянма)даги роҳинжа мусулмонларига қарши зўровонликлар ҳақидаги “Exiled” (“Ҳайдалганлар” ёки “Исталмаганлар”) дея номланган фильмни ишлаш жараёни ниҳоясига етганини “Элтуз”га билдирди.

“Роҳинжа масаласи – бу геноцид масаласи. Бу давлат томонидан, яъни ҳарбий хунта томонидан қилинган. Бу тасодифий нарса эмас”, деди “Элтуз” мухбири билан суҳбатида фильм муаллифи Шоҳида Ёқуб.

Фильм Мьянма армияси ва буддавийлари томонидан мамлакатда яшаётган роҳинжа мусулмонларига қарши шафқатсиз зўровонликлар, қотилликлар ҳақида ҳикоя қилади.

“Илк бор роҳинжа мусулмонларини ҳайдаш Бирмада диктатура ўрнатилган 1978 йили, кейин 1992 йилда амалга оширилган. Ўшанда 200 мингдан ортиқ одам Бангладешга ҳайдалган. Бироқ Бирма формал жиҳатдан демократияга ўтди дея қаралган 2012 йили уйларни ёндириш, аёлларни ва эркакларни зўрлаш бошланди”, дейди фильм муаллифи “Элтуз”га берган интервьюсида.

Шоҳида Ёқуб демократия тўлқинида ҳокимиятга келган Бирманинг бугунги раҳбари, тинчлик бўйича Нобел мукофоти лауреати, 20 йил уй қамоғида бўлган Аун Сан Сужи очиқ жамият ишончини қозонмагани, ирқчи ва исломофоб бўлиб чиққанини айтади.

“Бирма жудаям бир ирқчи жамият. Аун Сан Сужи демократиянинг эмас, диктатуранинг ҳимоячисига айланган”, дейди Шоҳида Ёқуб “Элтуз” билан суҳбатида.

Роҳинжа халқи, БМТга кўра, дунёда энг кўп таъқибга учраган миллий озчиликдир. Улар ҳамон Бангладешдаги қочқинлар лагерида қолишмоқда. Мьянма ҳукумати эса уларни нолегал иммигрантлар ҳисоблаб, қайтишларига қаршилик кўрсатмоқда.

Видео: https://youtu.be/VMDfWCXS0_4

Eltuz.com

Тағин ўқинг
21 январ 2020
Профессор Кристиан Ласслетт Ўтган ҳафтада Гулнора Каримовага нисбатан «ёпиқ эшиклар ортида» янги жиноий айбловлар бўйича суд бўлиб ўтди. Каримованинг ...
1 ноябр 2015
Шуҳрат Бобожон Eltuz.com Сичқон каби митти жонивор улкан филни ўлдириши мумкин, деган гапни биринчи синф ўқитувчим Зеваржон опа илк ...
6 декабр 2018
2018 йилнинг 4 декабрь куни Тошкент шаҳри судида бўлиб ўтган апелляция маҳкамасида айбланувчи Шаҳноза Бойқунусова маҳкамага Ўзбекистон ички ишлар ...
15 июн 2016
15 июндан 25 июнгача, Қирғизистон, Тожикистон, Қозоғистон ва Туркманистондан Ўзбекистонга одамлар, юклар ва транспорт воситаларининг ўтиши тўхтатилади. Ўш вилоятининг ...
Блоглар
1 декабр 2020
«Ошин» – 1983 йилда Японияда суратга олинган кўп қисмли фильм. Бош ролларда Нобуко Отова, Юко ...
25 ноябр 2020
Кузда кетиб кузда қайтдим Совет Армияси сафидан. Бизни армия сафига олий ўқув юртларининг кундузги бўлимидан ...
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...