Асосий мавзулар
10 сентябр 2019

Маҳмуд Ражабнинг телефони рўйхатидагилар терговга чақирилди

Қорақалпоғистон ИИВ тергов бошқармаси маҳаллий ҳуқуқ фаоли Азимбой Отаниёзов, шунингдек, унинг қизи ва аёлини 7 сентябрь куни шоир Маҳмуд Ражаб иши юзасидан гувоҳ сифатида тергов қилди.

“Не гап десам, шу Хоразмдаги очилган иш бўйича гувоҳ сифатида чақириляпсиз, деб айтишди”, дейди Отаниёзов.

Азимбой Отаниёзовнинг “Элтуз”га билдиришича, аввалига 5 сентябрь куни Раҳим исмли, кейин Алишер исмли терроризмга қарши кураш бўлими ходимлари оғзаки тарзда унинг терговга келишни талаб қилишган, кейин эса чопар юборилган.

Отаниёзов  астойдил талаб қилганидан кейингина 6 сентябрь куни тунда чақирув қоғози олганини айтади:

“Кечаси тунда бериб кетишда повесткани менга, аёлимга ва Насиба деган қизимга”.

Терговга нима учун аёли ва қизи чақирилгани сабабини Отаниёзов айнан уларга тегишли симкарталардан хоразмлик шоир Маҳмуд Ражабга оид алоқа контактлари чиққани билан изоҳлайди:

“Ҳақиқатан ҳам сизнинг симкартангизми? Ўзингиз фойдаландингизми? Қанча вақт фойдаландингиз?” сингари саволлар берилди аёлимга. Менга берилган саволлар энди кўпроқ. Қандай муносабатдасиз? Қандай алоқаларингиз бор? Маҳмуд Ражабнинг китоб олиб ўтганидан хабарингиз борми? Мен айтдим, пахтачилик соҳасида мониторинг ўтказамиз. Маҳмуднинг ҳам, менинг ҳам ишимиз шу. Семинарда танишганмиз”.

Ҳуқуқ фаоли мухолифат етакиси Муҳаммад Солиҳ китобларини чегарадан олиб ўтган хоразмлик шоир Маҳмуд Ражаб ишидан ташқари, “Бу кунлар” романи учун Ўзбекистонда таъқибга олинган ёзувчи Нурилла Отахонов (Муҳаммад Рауфхон) иши бўйича ҳам уни сўроқ қилишганини айтади.

“Муҳаммад Рауфхонни ҳам бу ерда диссидент қилиб кўрсатиб, ўша бўйича ҳам айбламоқчи бўлаяпти-да. Мантиқсизликни қаранг! Ташқаридан электрон китоб олиб кириб тарқатганидан хабарингиз борми, деган саволга мен, “Электрон китоб олиб кирилмайди, у хоҳлаган жойдан интернет орқали тортиб олинади. У бўйича айблаш мантиқсиз, чунки Муҳаммад Рауфхоннинг ўзи очиқ Тошкентда яшаяпти. Китобини хоҳлаган одам олиб ўқияпти. Мен ҳам интернетдан олиб ўқийман дедим”, деди ҳуқуқ фаоли.

Бундан ташқари, Отаниёзов шу куни пахта мониторинги билан шуғулланган яна бир ҳуқуқ фаоли ҳам терговга чақирилганини билдиради:

“Фарғоналик Шарифа Мадраҳимовани ҳам ўша куни чақиришибди телефон орқали. Шарифанинг менга берган саволлари бор экан телеграмда.

“Мениям чақиряпти, нима сўрайди, нима қўяди?” деб. “Маҳмуднинг телефон рўйхатида бор одамлар чақирилаётган экан. Гувоҳ сифатида борасиз. Аммо повесткани (чақирув қоғози)ни  талаб қилинг. Бусиз бормасликка ҳақингиз бор, дедим”.

Жорий йилнинг 10 май куни шоир Маҳмуд Ражабнинг уйида ИИБ ходимлари тинтув ўтказгани, кейинчалик Миллий университет домлаларидан иборат эксперт гуруҳи бу китобларни қоралаб хулоса беришгани, экспертиза хулосасидан норози бўлган Маҳмуд Ражабнинг илтимосномаси рад этилгани, ундан аввал эса чегарада Маҳмуд Ражабнинг ёнидан Муҳаммад Солиҳ китоблари чиққани  ҳақида “Элтуз” хабар берган эди.

Eltuz.com

Тағин ўқинг
7 август 2018
Тушишим билан “Нимага имиллайсан ҳайвон, курортга келдингми!?” деб елкамга, белимга беш-олти марта резина тўқмоқ билан аямасдан уришади, “дело” бўйича ...
15 апрел 2016
“Конституцион тузумга тажовуз”, “Қўпорувчилик”, “Таъқиқланган ташкилотлар тузиш ва уларга аъзолик” каби бир биридан вахимали моддалар билан айбланган “Арамаис ва ...
1 январ 2018
Жорий президент Мирзиëев 22 декабрдаги нутқида, ўтган 25 йил қайтиб келмасин, дея феълан Каримов меросини ахлатга улоқтирди. Ижтимоий тармоқнинг ...
8 декабр 2015
Умида Ниёзова Eltuz.com Мамлакатнинг Асосий қонуни барибир ўзбек жамияти томонидан хануз тамсил қилингани йўқ. Ушбу конституцияга кўра, “ҳокимиятнинг ягона ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...