Асосий мавзулар
23 сентябр 2019

Тошкентга юриш қатнашчилари автобусга босиб олиб кетилди

Адолат истаб Тошкентга, ички ишлар вазири Пўлат Бобожоновнинг қабулига пиёда оммавий тинч юриш қилган гурланлик шоир ва журналист Маҳмуд Ражаб ва унинг 20 кишидан ортиқ қариндошларини орган ходимлари автобусга куч билан тиқиб, номаълум томонга олиб кетишди.

Уларнинг қўлларидаги барча алоқа воситалари олиб қўйилди. Ушбу хабарни “Элтуз”га ўз шахсини очиқламаслик шарти билан воқеа гувоҳларидан бири етказди.

Шаллақи аёллар ҳужуми

Воқеа гувоҳларидан бирининг “Элтуз”га билдиришича, ИИБ ходимлари блогер Нафосат Оллошукуровани (фейсбукда – Шабнам Оллошукурова) калтаклашган. Оллошукурова каналига қўйилган сўнгги видеода юриш қатнашчилари йўлини тўсган гуруҳ ва қора рўмол ўраган барзанги бир аёл унга ташланаётганини кўриш мумкин.

“Ҳоким ва унинг одамлари бизни уришяпти. Халқаро ташкилотлардан ёрдам сўраймиз”, дейди Нафосат Оллошукурова ўз видеосида.

ИИБ ходимлари хавфсизликни таъминлашдими?

23 сентябрь эрталаб юриш бироз кечикиш билан Урганч-Хонқа йўналиши бўйлаб давом этди.

Воқеаларни жонли ёритаётган Нафосат Оллошукуровани ДХХ ходимлари чақириб олиб, оиласига таҳдид қилиб, унга босим ўтказишгани боис юриш қатнашчилари бир муддат уни кутиб қолишган эди.

Дастлаб хавфсизликни сақлаш мақсадида ҳаракатни ички ишлар бўлими ходимлари кузатиб боришди. Урганч-Хонқа йўлида яна бир оила қўшилгани айтилди.

Кейинги чиқишида Оллошукурова Хонқа йўналиши бўйича магистрал йўлда боришаётгани ва ИИБ машиналари энди “хавфсизликни таъминламай” қўйганини билдирган.

Урганч шаҳри ҳокими билан учрашув

Тошкент вақти билан соат 11.30 лар атрофида юриш иштирокчилари олдига Урганч шаҳри ҳокими Шуҳрат Абдуллаев етиб келди.

Сал ўтмай провокация бошланди. Юриш иштирокчиларига қарши куч ишлатилди. Жонли ёйин ёритаётган Нафосат Оллошукурова уни уриб ташлашганини билдирди. Шундан сўнг жонли ёйин тўхтади.

Муҳаммад Солиҳ асарларини Ўзбекистонга олиб кирганликда асоссиз айбланиб терговга тортилган Маҳмуд Ражабни олиб кетиш учун 20 сентябрь куни милиция капитани Бекчанов бошчилигида Хоразм вилояти ИИБ ходимлари келишган. Бироқ шоирнинг маҳалладошлари уни милиция олиб кетишига қаршилик кўрсатишган эди.

Eltuz.com

Тағин ўқинг
11 октябр 2015
Ўзбекистонда дунёвий, демократик, саводли, зиёли мухолифатнинг йўқ қилиниши, келажакда қўзғолонлар бўлган тақдирда ҳукумат билан диалог қилишга заррача умид қолдирмади. ...
14 январ 2018
13 январь куни Тошкентда таниқли ўзбек ёзувчиси Носир Фозилов 88 ёшида вафот этди. Адибни яқиндан билган кишилар унинг камтар ...
11 декабр 2017
5 декабрда Amnesty International инсон ҳуқуқлари ташкилоти ҳуқуқ ҳимоячиларининг ўлими ва уларнинг ўлдирилиши ҳолатлари кўпайиши тенденцияси мавжудлигини тасдиқлайдиган ҳисоботини ...
22 октябр 2018
Яқин кунларда Ўзбекистонда қимматчилик бошланиши ҳақида аҳоли ўртасида шу кунларда анча кенг тарқалган хавотирнинг асоссиз эмаслигини ҳукуматнинг ўзи тасдиқлади. ...
Блоглар
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...