Асосий мавзулар
22 октябр 2019

Нафосат Оллошукурова очлик эълон қилгани учун руҳий шифохонага ташланган

Хоразмлик блогер ва фаол Нафосат Оллошукурова 30 сентябрдан буён Урганч шаҳридаги психиатрик диспансерда мажбурий даволанишда қолмоқда.

Фуқаролик суди қарорига кўра, Нафосат маъмурий ҳибсдалигидаёқ овқатланишдан бош тортган, юраётган пайтида ҳушидан кетган ва унга шифокор чақирилган.

Тиббий-маслаҳат комиссияси раиси Қувондиқ Дурдиев судда берган кўрсатмасида: “Нафосат Оллошукурова даволанишга муҳтож, чунки “овқатдан бош тортиш”, “ўлиш истаги”, “ўзининг салбий томонларини яширишга уриниш” каби белгилар унинг руҳий ҳолати бузилиши аломатларидир”, дея билдирган.

20 октябр куни интернетда Нафосатнинг қандайдир эркак сўроғига жавоб бераётгани акс этган видео пайдо бўлди. Видеода у тушкун бир овозда эркакнинг саволларига жавоб бериб, ўзининг очлик эълон қилганини тасдиқлайди. Видеонинг қачон ва ким томонидан олингани номаълум.

Блогер Нафосат Оллошукурова 22-23 cентябрь кунлари хоразмлик журналист Маҳмуд Ражабнинг Тошкент томон пиёда юришини кузатиб борган ҳамда ИИБ ходимлари Маҳмуд Ражаб ва бошқаларни ҳибсга олишда қандай куч ишлатганини видеотасвирга тушириб, Интернет орқали узатган эди.

Ушбу видео турли каналларда қарийб икки миллион марта кўрилди. Оллошукурова 10 кунлик маъмурий қамоқ жазосига ҳукм қилинди. Кейин суднинг 30 сентябрдаги қарорига кўра, оиласига хабар берилмасдан руҳий касалликлар шифохонасига жойлаштирилди.

Норозилик юришини ёритган блогер мажбуран руҳий касалликлар шифохонасида қолдирилмоқда.

Eltuz.com

Тағин ўқинг
31 август 2017
Қудрат Бобожон 1965 йил Урганч шаҳрида туғилган. ТошДУнинг журналистика факультетини тамомлаган. Би-Би-Си, Озодлик радиоларининг минтнақавий мухбири бўлган. «Уруш ва ...
23 январ 2018
World Politics Review онлайн журналида муаллиф кўплаб шарҳловчилар “ўзбек илиқлиги” дея атаётган сўнгги воқеалар таҳлили ҳақида мақола эълон қилди. ...
3 май 2019
Кўриб турганингиз уй оддий ўзбек мулозимининг уйи. Уй эгаси давлатдан аниқ суммадаги маош олган ва тижорат билан  шуғулланиши қонунан ...
30 ноябр 2018
Бу 1991 йил 30 ноябрдаги “Правда востока“ газетаси. Газетада сўнгги 27 йил ичида ўзбек миллатига берилган ягона сиëсий танлов ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...